غزنی ده بیر قطار خصوصی تعلیمی مرکزلردهگی مسئوللر نینگ سلام‌وطندار گه ایتیشلریچه، اوقووچیلری سانی ۵۰-۸۰ فایزگچه کمه‌یگن.
غزنی ده تعلیمی مرکزلردن بیری نینگ مسئولی حمیدشاه بیات گه کوره: «چیکلاولر یره‌تیلگنی‌دن کیین، قریب ۷۰ فایز اوقووچیلریمیز نی قولدن بیردیک. اوتمیش گه قره‌گنده اوقووچیلر نینگ قیزیقیشی کمه‌یگن و حتا باشقه اوقووچیلر گه هم سلبی تاثیر قویگن.»
بیزلرنینگ فیسبوک صحیفه‌میزگه باش اورینگ!
شونینگدیک تعلیمی مرکزلردن باشقه بیری نینگ مسئولی اسما دانش گه کوره، اسلام امیرلیگی آرقه‌لی قیزلر تعلیمی تقیق‌لنگنی‌دن کیین، اوقووچیلر سانی کمه‌یگن.
اونینگ کوپه‌یتیریشیچه: «اوقووچیلر سانی کمه‌یگنی نینگ یگانه سببی بو دیر که، اوتگن‌لرده تعلیمی مرکزلرده اوغیل‌لر گه قره‌گنده قیز اوقووچیلر سانی کوپراق ایدی؛ لیکن حاضر ایسه قیزلر، تعلیمی مرکزلر گه باره آلمه‌یدیلر و تعلیمی مرکزلرده اوقووچی سانی جوده‌یم کمه‌یگن.»
غزنی نینگ خصوصی تعلیمی مرکزلریدن قطاری‌ده اوقووچیلر کمه‌یگنی و درآمدگه نامتناسب سالیق وضع بولیشی سبب، اوشبو ولایتده تعلیمی مرکزلردن قطاری اقتصادی قیین‌چیلیکلر بیلن روپه‌ره بولگن.
غزنی ده تعلیمی مرکزلردن بیری نینگ مسئولی سیدتیمور، اوشبو ولایت معارف ریاستی‌دن اوقووچیلر نینگ کمه‌یگنی و کوپه‌یگنی بیلن سالیق وضع بولیشی نینگ نظر گه آلینیشیی نی ایسته‌گن.
اونینگ کوپه‌یتیریشیچه: «کوپراق سالیق آلینه‌دی. کیله‌دیگن هیئت‌لردن کوپینچه‌سی اوچ آی قیش‌ده کیله‌دی که غزنی ده قیش موسومی‌ده اوقووچیلر سانی کوپ بوله‌دی، کوکلم و یاز موسوم‌لریده کمه‌یه‌دی. مستوفیت قیش موسومی‌ده‌گی اوقووچیلر سانی گه قره‌ب اولچه‌یدی.»
شونده‌ی بیرحالده، غزنی معارف ریاستی مسئوللری سونگی ایکی ییلده تعلیمی مرکزلر سانی کوپه‌یگنی گه اشاره قیلیب و ایتیشیچه، بو مدت‌ده ۳۰ ته ینگی خصوصی تعلیمی مرکزلر آچیلگن.
بیزلرنینگ «ایکس» ترماغی ده هم تعقیب قیلینگ!
غزنی معارف ریاستی نینگ نشرات مدیری میاگل صدیق نینگ ایتیشیچه: «غزنی ده قریب ۱۲۶ خصوصی تعلیمی مرکز بار که او آره‌ده ۱۴۰۱-ییلده توقیز مرکز آچیلیب و شونینگدیک ۱۴۰۲-ییلده هم ۳۰ تعلیمی مرکز آچیلیگن.»
اوتگن ییل‌لرده غزنی اوقووچیلری بیلیم یورت گه کیریش سیناوی ده کوپینچه سهم آلیب و تورلی دولتی بیلیم یورت‌لر گه یول تاپگنلر؛ لیکن اوتگن ایکی ییلده بو ولایتده ییگیت‌لر نینگ تعلیم و تحصیل خصوصیده قیزیقیشی اوتمیش‌گه قره‌گنده کمه‌یگن.
