برچسب: تعلیمی مرکز

کاج تعلیمی مرکز مسئولی و اوشبو تعلیمی مرکز اوقیتووچیسی مختار مدبر، بوگون مذکور تعلیمی مرکز گه اویوشتیریلگن هجوم‌دن کیین، فیسبوک صحیفه‌سیده یازگن که، خودکش هجومچی‌لر بیرینچی‌ده تعلیمی مرکز نینگ کیریش ایشیگی‌ده‌گی قوریقچی‌لر نی اوققه توتیب و بنا نینگ ایچیده اوشبو مرکز ایشلاوچیلریدن ایکی‌ ته‌سی نی یره‌لنتیرگنلر.

کاج تعلیمی مرکز مسئولی نینگ بیاناتی اساسیده، خودکش هجومچی‌ قوریقچی‌لر نی اولدیریش‌دن کیین، مذکور تعلیمی مرکز اوقووچیلری آره‌سیده اوزی نی پارتلتگن.

بیزلرنینگ توییترده هم تعقیب قیلینگ!

مختار مدبر نینگ کوپه‌یتیریشیچه: «خودکش هجومچی کانکور آزمایشی سیناوی اوتکزیله‌دیگن صنف‌لردن بیری‌ده، اوزی نی پارتلتدی که نتیجه‌ده، اونلب اوقووچی هلاک و یره‌لندی. یره‌دارلردن کوپ قطاری نی قیزلر تشکیل بیره‌دی.»

مختار مدبر نینگ سینگیلی‌سی ام‌البنین و اوشبو تعلیمی مرکز قوریقچی‌سی طاهر رضایی هم هلاک بولگنلر آره‌سیده شامل دیر.

حاضرگچه هجومچی‌لر سانی دقیق بیللی ایمس و اوشبو واقعه مسئولیتی نی هیچ کیم بوینیگه آلمه‌گن.

«کاج» تعلیمی مرکزی گه اویوشتیریلگن هجوم‌ده اونلرچه اوقووچی قیز و اوغیل هلاک و یره‌لنگن. مذکور واقعه‌ده قربان بولگنلردن کوپ قطاری نی قیزلر تشکیل بیره‌دی.

بیزلرنینگ فیسبوک صحیفه‌میزگه باش اورینگ!

«سی‌ان‌ان» و بی‌بی‌سی فارسی خبری ترماق‌لری اسلامی امارت منبع‌لریدن نقل قیلیب و گزارش بیرگنلر که، اوشبو هجوم‌ده ۲۳ اوقووچی هلاک و ۳۶ اوقووچی یره‌لنگن.

کابل امنیه قوماندانلیگی سوزلاوچیسی خالد زدران اوشبو واقعه تلفاتی نی ۱۹ جسد و ۲۷ یره‌دار اعلام قیلگن ایدی. بیراق محلی منبع‌لر نینگ ایتیش‌لریچه، تلفات سانی اسلامی امارت تامانیدن شریک بولگن تلفات سانی‌دن کوپ دیر.

مذکور هجوم ملی و خلق‌ارا عکس‌العمل‌لر بیلن روپه‌ره بولگن.

بوگون کابل نینگ غربی‌ده جایلشگن تعلیمی بیر مرکزده یوز بیرگن پارتلش ملی و خلق‌ارا عکس‌العمل‌لر بیلن روپه‌ره بولگن.

سابق حکومت ملی مصالحه عالی کینگش رئیسی عبدالله عبدالله، بوگون ایرتنگ چاغی کابل شهری نینگ غرب تامانیدن جایلشگن «کاج» تعلیمی مرکزی اوستیگه اویوشتیریلگن هجوم نی قاره‌لب و ایتگن که، اوشبو رحم‌سیز شکلده اولدریش مملکت نینگ ترقیاتی و تینچ‌لیگی نی ایستمه‌گن دشمن‌لر نینگ ایشی دیر.

شونینگدیک افغانستان اوچون آمریکا ایلچی‌خانه شارژدافری کرن دیکر، توییتر صحیفه‌سیده یازگن که: «بیرلشگن ملت‌لر تشکیلاتی بوگون «کاج» تعلیمی مرکزی اوستیگه اویوشتیریلگن هجوم‌ نی شدت‌لی شکلده قاره‌له‌یدی. سیناو اوچون شرکت قیلگن اوقووچیلر نینگ هدف قرار بیریلگنی شرم‌لی بیر عمل دیر و اوقووچی‌لر آرام و قورقوو‌دن اوزاق بیر ییرده تحصیل قیلیش‌لری کیره‌ک.»

بیزلرنینگ فیسبوک صحیفه‌میزگه باش اورینگ!

شونینگدیک افغانستان‌ده بیرلشگن ملت‌لر تشکیلاتی نینگ اورین‌باسرلیک هیات دفتری یا_ده یوناما، بیر توییت آرقه‌لی اوشبو هجوم نی قاره‌لگن.

اسلامی امارت سوزلاوچیسی ذبیح‌الله مجاهد توییتر صحیفه‌سیده، بوگون کابل شهری نینگ اون اوچینچی ناحیه‌سیده جایلشگن (کاج کورسی) اوستیگه اویوشتیریلگن هجوم نی بویوک وحشت عنوان قیلیب و اونینگ جدی بیر شکلده قاره‌له‌گن.

اسلامی امارت سوزلاوچیسی اوشبو واقعه عامل‌لری نینگ قولگه آلینیشی و جزالنتیریلیشی اوچون کیره‌کلی اقدام‌لر صورت تاپیشی نی بیان قیلگن.

بیزلرنینگ توییترده هم تعقیب قیلینگ!

کابل امنیه قوماندانلیگی سوزلاوچیسی خالد زدران، توییتر صحیفه‌سیده یازگن که، بیرینچی معلومات اساسیده بوگون ایرتنگ چاغی «کاج» تعلیمی مرکزی گه اویوشتیریلگن اوشبو پارتلش‌ده کمیده ۱۹ کیشی هلاک و ۲۷ کیشی ایسه یره‌لنگن.

اوشبو هجوم مسئولیتینی حاضرگچه هیچ بیر گروه یا شخص زمه‌سیگه آلمه‌گن.