بوگون افغانستان ترانسپورت و ملکی هوانوردلیک وزیرلیگی نینگ مسئوللری مطبوعاتی بیر ییغینده، اوشبو وزیرلیک نینگ بیر ییل‌لیک فعالیت و یوتوق‌لرینی میدیالر بیلن شریک قیلدی.
ترانسپورت و ملکی هوانوردلیک وزیرلیگی نینگ مصونیت و تفتیش پالیسی معینی حسیب‌الله سروش گه کوره، اوتگن بیر ییل ده افغانستان هوایی حریمیدن اوتگن ۱۵ مینگ ۵۶۴ پرواز دن ۹۸۰ میلیون ۵۳۲ مینگ افغانی درآمد قیلگن. اونینگ ایتیشیچه، اوتگن بیر ییل ده افغانستان حریمیدن ۱ مینگ ۶۳۶ ایچکی پرواز و ۱ مینگ ۶۰۷ خارجی پرواز صورت تاپگن که اوشبو پروازلردن ۴.۵ میلیارد افغانی درآمد ییغیلگن.
بیزلرنینگ فیسبوک صحیفه‌میزگه باش اورینگ!
اونگه کوره: «اوتگن ییل دن اوشبو ییل نینگ جون آیی گه قدر مملکت هوایی حریمیدن، ۱۵ مینگ ۵۶۴ پرواز صورت تاپگن که اوشبو پروازلردن ۱۰ میلیون ۸۹۴ مینگ ۸۰۰ دالر که ۹۸۰ میلیون ۵۳۲ مینگ افغانی گه ماس دیر درآمد ییغیلگن.»
مذکور ییغینده، افغانستان ترانسپورت و ملکی هوانوردلیک وزیرلیگی نینگ سرپرستی حمیدالله آخندزاده نینگ ایتیشیچه، بیرینچی مراتبه افغانستان ده ایچکی متخصص‌لر آرقه‌لی برچه اوچاق‌لرنی تعمیرلشگه اولگورگنلر. اوشبو وزیرلیک نینگ کوپه‌یتیریشیچه، اولر آریانا هوایی شرکت اوچاق‌لریدن بیرینی ۲۸ کون ایچیده ۲۰۰ مینگ دالر مصرف بیلن خلق‌ارا معیارلر گه ماس تعمیرلشگن، بوندن آلدین اوچاق‌لر مملکت دن تشقری ۵ آی ایچیده ۱.۳ میلیون دالر مصرف بیلن تعمیرلنر ایدی.
بیزلرنینگ توییترده هم تعقیب قیلینگ!
حمیدالله آخندزاده نینگ ایتیشیچه: «بیرینچی مراتبه ملکی یا سی چیک برچه اوچاق‌لرُ ایچکی متخصص‌لر تامانیدن تعمیرلندی که اوتمیش لرده افغانستان دن تشقری تعمیرلنر ایدی.»
عین‌حالده، افغانستان ده اسلامی امارت قدرت نی آلیشی بیلن، مملکت ده خلق‌ارا هوا قونالغه‌لر نینگ رادار تیزیمی بوزیلگن. مذکور وزیرلیک رسمی‌لری، هوا قونالغه‌لر نینگ رادار تیزیم‌لری تیزلیک بیلن تعمیرلنیب و فعالیت گه باشله‌شیدن ایشانچ بیلدیره‌دی.
