قندهار ولایتی تخته‌پل تومنی نینگ «بیان‌زو» منطقه یشاوچیلری، اوشبو منطقه‌ده مکتب یوقلیگی‌دن شکایت قیلیب و سلام‌وطندار گه ایتیشلریچه، اوتگن ۲۰ ییل‌ده مذکور منطقه‌ده مکتب یوقلیگی سبب، باله‌لری سواد‌سیز قالگن.
اولر نینگ کوپه‌یتیریشلریچه، اجتماعی، ساغلیق و ایچیم‌لیک سوو خذمتلری یوقلیگی یانیده، تعلیم و تربیه بولیمی‌ده هم جدی قیین‌چیلیک بیلن روپه‌ره‌لر. مذکور یشاوچیلر گه کوره، ینگی‌لیکده بو منطقه‌ده بیر مکتب فعال بولیب و اوقووچیلر گه یالغیز بیرینچی صنف درس بیریله‌دی.
بیزلرنینگ «ایکس» ترماغی ده هم تعقیب قیلینگ!
تخته‌پل تومنی نینگ «بیان‌زو» منطقه یشاوچیسی حاجی محمد نینگ ایتیشیچه: «بو ییرده سواد یوق؛ مکمل دشت دیر؛ حکومت بیزلر گه توجه قیلمه‌گن؛ لیکن ینگی‌لیکده باله‌لر گه بیر مکتب قوریلدی که، قیزلر و ییگیت‌لریمیز نی یوباره‌میز. بو منطقه‌ده برچه کیشی سواد‌سیز، باله‌لریمیز سواد‌سیز قالگنی‌ده اولر نینگ کیله‌جگی هم بیزلر کبی بولیشی ممکن.»
شونینگدیک تخته‌پل تومنی نینگ «بیان‌زو» منطقه یشاوچیلریدن باشقه بیری سیدگل نینگ ایتیشیچه: «اوشبو منطقه نفوسی جوده‌یم آز دیر؛ بیراق برچه کیشی سواد‌سیز. بو ییرگه مکتب قوریلگنی‌دن بیر ییل بوله‌دی؛ قیزلر و ییگیت‌لر تعلیم بیلن مصروفلر؛ لیکن یالغیز بیرینچی صنف‌گچه دیر.»
اولر مسئوللردن «بیان‌زو» منطقه‌سیده تعلیم و تربیه بولیمی گه جدی شکلده توجه قره‌تیلیشی نی ایسته‌گنلر.
شونده‌ی بیرحالده، قندهار ده محلی مسئوللری ینگی‌لیکده تخته‌پل تومنی نینگ «بیان‌زو» منطقه‌سی اوچون اوچ دینی مدرسه و ایکی مکتب قوریلیشی نینگ نظر گه آلینگنی خصوصیده ایشانچ بیرگنلر. اولر گه کوره، مذکور مدرسهلر و مکتب‌لر نینگ قوریلیش ایشی باشلنیشی بیلن تعلیم و تربیه خصوصیده قیین‌چیلیک نینگ حل بولیشی ممکن.
بیزلرنینگ فیسبوک صحیفه‌میزگه باش اورینگ!
تخته‌پل ولسوالی عطاءالله مختار نینگ سلام‌وطندار گه ایتیشیچه: «مذکور تومن یشاوچیلری اوچون اوچ مدرسه و ایکی مکتب نینگ قوریلیشی نظر گه آلینگن. دینی مدرسهلر و مکتب‌لر سانی نینگ کوپه‌‌یشی اوچون سعی‌وحرکت قیله‌میز که اوشبو تومن‌ده مکتب‌لر و مدرسهلر نینگ فعال بولیشی بیلن اهالی قیین‌چیلیگی حل بولیشی ممکن.»
معلومات گه اساس، قندهار ولایتی تخته‌پل تومنی نینگ «بیان‌زو» منطقه‌سیده قریب ۲۰۰۰ عایله حیات کیچیریب و اوشبو عایله‌لردن کوپینچه‌سی ایچیم‌لیک و ایکینچیلیک سوو یوقلیگی سبب، باشقه منطقه‌لر گه کوچ قیلگنلر.