پاکستان دان کونده‌لیگی نینگ یازیشیچه، پاکستان رسمی‌لری نینگ تورخم بندری آرقه‌لی افغانستان بیلن سوداگرلیک حجمینی آشیریش گه دایر وعده‌لری بیلن، اوشبو بندر ده سوداگرلیک آلیش_بیریش میزانی کمه‌یگن.
اوشبو کونده‌لیک، بوگون (چهارشنبه، ۲۰ ثور)، بیر گزارش ترقه‌تیب ایتیشیچه، رسمی معلومات اساسیده تورخم بندری آرقه‌لی سوداگرلیک آلیش_بیریش حجمی بیر میلیارد ۳۰۰ میلیون دالر دن ۸۰۰ میلیون دالر گه کمه‌یگن.
۲۰۱۶_ییل ده افغانستان و پاکستان اورته‌سیده سوداگرلیک میزانی بیر میلیارد دالردن آرتیق ایدی.
بیزلرنینگ فیسبوک صحیفه‌میزگه باش اورینگ!
دان کونده‌لیگی، تورخم بندری ده افغانستان و پاکستان ارا سوداگرلیک میزانی کمه‌یش سببی نی پاکستان نینگ «علاقه‌سیزلیک و دولت نهادلری اورته‌سیده اویغون‌سیزلیک» عنوان قیلگن.
دان کونده‌لیگی بیلن صحبت اوتکزگن پاکستان خیبرپختونخواه ایالتی صادر قیلووچیلر انجمنی باشلیغی گه کوره، پاکستان رسمی‌لری تورخم بندری قابلیتینی آشیریش و قیینچیلیک‌لر حلی اوچون عمل ده اقدام قیلمه‌گنلر.
اوشبو هفته، اسلام امیرلیگی صناعت و سوداگرلیک وزیرلیگی نینگ سرپرستی نورالدین عزیزی، افغانستان و پاکستان ارا سوداگرلیک قیینچلیک‌لر حلی اوچون اوشبو مملکت گه سفر قیلگن.
پاکستان میدیالری نینگ معلوماتی اساسیده، عزیزی پاکستان سوداگرلیک وزیری سیدنوید قمر بیلن سوداگرلیک قانون_قاعده‌لر قولی‌لشتیریلیشی اوستیده بحث ایتگن.
بیزلرنینگ توییترده هم تعقیب قیلینگ!
اکسپرس تربیون کونده‌لیگی نینگ یازیشیچه، اولر ایکی مملکت اورته‌سیده سوداگرلیک حجمینی آشیریش اوچون گمرکی قولی‌لیکلر حقیده بحث ایتیشگن.
خیبرپختونخواه ایالتی صادر قیلووچیلر انجمنی باشلیغی جابر شینواری گه کوره، پاکستان حکومتی افغانستان بیلن سوداگرلیک آلیش-بیریش‌لرینی کوچه‌یتیریش، سوداگرلر و موتردارلر نینگ قیینچیلیکلرینی حل قیلیش اوچون اراده‌سی یوق دیر.