یازووچی و شاعر سید تاج‌الدین تاشقین بهایی تامانیدن تیارلنگن امیرالکلام علیشیرنوایی «خمسه»سی نینگ ینگی نشری تقدیمات مراسمی، بوگون (جمعه، ۲۷ اسد)، بابر نشریاتی و اوزگریش مدنی و اجتماعی اویوشمه‌سی تشبثی همده بیلیم یورت اوقیتووچیلری، یازووچیلر، فرهنگی‌لر و مدنی فعاللر حضوری بیلن کابل ده بولیب اوتدی.
ذواللسانین شاعر و یازووچی علیشیرنوایی «خمسه‌سی» نینگ تیارله‌گن تاشقین بهایی، بو اثرنی نوایی نینگ اوزیدن یادگار قالدیرگن مهم و بی‌بها اثرلریدن عنوان قیلیب و نوایی اجتماعی، فرهنگی و سیاسی قره‌شلرنی بو اثرده بویاقدار قالبیده یره‌تگن دیدی.
بیزلرنینگ فیسبوک صحیفه‌میزگه باش اورینگ!
تاشقین بهایی جنابلری گه کوره، افغانستان ده نوایی خمسه‌سی بوندن اول «تاش‌باسمه» نسخه‌سی یوزیدن نستعلیق طرزده ۱۳۶۹-ییل ده چاپ بولگن، لیکن ینگی نسل بو یازوو بیلن بلد بولمسلیگی اوچون بیرینچی بار کمپیوتری شکلده تیارله‌نیب و چاپ ایتیلگن.
شونینگدیک، اوزگریش مدنی و اجتماعی اویوشمه‌سی مسئوللری نینگ ایشانچی گه کوره، نوایی نینگ خمسه اثری اوزبیکستان ده کریل و لاتین الفباسی ده نیچه مرته چاپ بولگن بیراق افغانستان ده بیرینچی مرته تولیق شکلده چاپ ایتیلگن.
مذکور احتفال تشکیلاتچیسی و اوزگریش مدنی و اجتماعی اویوشمه‌سی مسئولی نقیب‌الله عبید، کیینگی نسل‌لر نوایی کبی شخصیت‌لر نینگ حیاتی حقیده معلومات تاپیش و قیلمیش‌لریدن آگاه بولیش اوچون بو کبی اثرلر چاپ ایتیلیشینی ایجابی بهاله‌یدی.
بیزلرنینگ توییترده هم تعقیب قیلینگ!
عبید جنابلری، نوایی یالغیز اوزبیک خلقی گه تیگیشلی شاعر بولمه‌گن‌لیگی اوچون، او نینگ اثرلری برچه تیل‌لرده چاپ ایتیلیب و ترقه‌تیلیشینی طلب قیله‌دی.
علیشیرنوایی نینگ اوشبو اثری بیر مینگ ۳۰۰ صحیفه و ۱۰۰۰ تیراژ ده ایران ده چاپ ایتیلگن.
سابق حکومت تیزیمی ده اوزبیک تیلی ده فعالیتی و نشراتی بولگن بیر قطار میدیالر و دولت اداره‌لری، اسلام امیرلیگی حاکمیتیدن کیین اوزبیک تیلی ده‌گی فعالیت و نشرات‌لرینی توخته‌تگن بیرحالده، نوایی خمسه‌سی تقدیمات مراسمی بولیب اوتدی.
ایتیش کیره‌ک که، بوندن آلدین، یازووچی، شاعر و ژورنالیست محمدعالم کوهکن تامانیدن یازیلگن «قاره کوزلریم» حکایه‌لر توپلمی تقدیمات مراسمی، کابل ده بولیب اوتگن ایدی.