گردیز شهریده یوز بیرگن سونگی سوو تاشقین‌لر و یامغیرلر، بالاحصار بناسی نینگ تخریب بولیشی خصوصیده، خواطرلر نی کوپه‌یتیرگن. پکتیا معلومات و مدنیت ریاست مسئوللری نینگ ایتیش‌لریچه، سونگی یاغیش‌لر باعث، بالاحصار بناسی یامان بیر شکلده زیان کورگن و تخریب بولیش خوفی بیلن روپه‌ره دیر.
پکتیا معلومات و مدنیت ریاستی نینگ تاریخی آبده‌لردن حفاظت قیلووچی آمری گلاب‌خان توتاخیل نینگ سلام‌وطندار گه ایتیشیچه، مملکت‌ده یوز بیرگن سونگی طبیعی واقعه‌لر مذکور تاریخی قلعه دیوارلریدن بیر قطاری نینگ تخریب بولیشی گه سبب بولگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «گردیز نینگ بالاحصاری تخریب بولگن دیر، یالغیز یوقاری‌دن بعضی بولیم‌لری سالم کوزگه کورینه‌دی، انه شوو سبب عاجل قیته قوریلیش گه نیازی بار. سونگی هفته‌ده یوز بیرگن یامغیرلر، شدت‌لی بیر شکلده اوشبو بنا گه زیان ییتیشتیرگن. مذکور بنا نینگ تخریب بولیشیدن توسیق بولینمه‌گنی صورتده، تیزلیککه اصلی بولیم‌لری نینگ اورته‌دن کیتیشی ممکن.»
شونینگدیک پکتیا یشاوچیلریدن قطاری نینگ ایتیش‌لریچه، اوتگن ییل‌لرده بالاحصار بناسی نینگ قیته قوریلیش بولیمی‌ده هیچ بیر ایش صورت تاپمه‌گن و شونینگدیک اونینگ بیر قطار بولیم‌لری سونگی یامغیرلر سبب، اورته‌دن کیتگن دیر.
اولر حکومت و خلق‌ارا تشکیلات نینگ فرهنگی نهاد‌لریدن بالاحصار قدامتی گه توجه قیلیب و اوشبو تاریخی ییردن حفاظت قیلیش‌لری نی ایسته‌گنلر.
بیزلرنینگ توییترده هم تعقیب قیلینگ!
پکتیا یشاوچیلریدن سید‌جمال نینگ ایتیشیچه: «سونگی یاغیش‌لر گردیز نینگ بالاحصار تاریخی مکانی گه زیان ییتیشتیرگن که اوشبو تاریخی ییر نینگ بولیم‌لری تخریب بولیش گه روپه‌ره بولگن. یونسکو، معلومات و مدنیت ریاستی و ولایتی اداره، مذکور تاریخی ییرلر گه جدی شکلده توجه قیلیش‌لری کیره‌ک. حاضر ایسه اوشبو قیین‌چیلیککه توجه بولمه‌گنی صورتده، بالاحصار تیزلیککه اورته‌دن کیتیشی ممکن.»
شونینگدیک پکتیا یشاوچیلریدن باشقه بیری وحید‌الله نینگ ایتیشیچه: «احتمال بار ایمس، کیله‌جک ییل‌لرده یا-ده کیله‌جک آیلرده اوشبو بنا نینگ تخریب بولیشی گه شاهد بولیشیمیز ممکن. مسئوللر توجه قیلمه‌گنلری صورتده، اوشبو تاریخی بنا‌دن محروم بوله‌میز. گردیز ده یالغیز بیرته تاریخی بنا بار. رسمی‌لردن بو موضوع گه جدی بیر شکلده توجه قیلیش‌لری نی ایسته‌یمیز.»
پکتیا معلومات و مدنیت ریاستی نیچه ییل‌دن بیری پکتیا بالاحصاری‌دن حربی ییر صفتیده قوللنیب و اوشبو موضوع مذکور تاریخی ییر ارزشی نینگ کمه‌یشی گه سبب بولگنی نی ایتگنی بیرحالده، اوشبو موضوع بیان بولگن.
مسئوللر نینگ معلومات‌لری اساسیده، پکتیا بالاحصاری میلاد‌دن آلدین کوشانی‌لر زمانی ده، گردیز شهریده بیر تیپه اوستیده توزه‌تیلگن دیر.