غزنی ده اوتگن بیر ییل جریانیده محلی و عنعنوی سپورت‌‌‌لر نظیری کوریلمه‌گن درجه‌ده رواجلنگن

غزنی ولایتی اوزاق تاریخی و ادبی اوتمیش گه ایگه بولگنی گه علاوه، شونینگدیک سپورت بولیمی‌ده هم کوپینچه قدیمی و محلی اویین‌لر نی اوزی بیلن اوتمیش‌دن آلیب کیلگن و اوشبو اویین‌لر نی سقله‌گن دیر که،‌ نیزه‌بازلیک، کمان‌کش‌لیک و نشان‌اوریش اوشبو اویین‌لر آره‌سیده‌گی اینگ اونملی‌سی دیر.

غزنی‌ ده نیزه‌بازلردن بیری دولت‌خان نینگ سلام‌وطندار گه ایتیشیچه،‌ مذکور ولایت‌ده نیزه‌بازلیک و باشقه محلی سپورت‌لر بولیمی‌ده رقابت قیلیش اوچون زمینه یره‌تیلگنی خصوصیده خورسند‌ دیر.

غزنی سپورت اداره آمری بلال‌ مجاهد نینگ سلام‌وطندار گه ایتیشیچه، اوتمیش بیر یریم ییل‌ده اوشبو ولایتده عنعنوی و محلی سپورت‌‌لر نظری کوریلمه‌گن درجه‌ده رواجلنگن.

بیزلرنینگ توییترده هم تعقیب قیلینگ!

غزنی سپورت اداره آمری بلال‌ مجاهد نینگ کوپه‌یتیریشیچه: «بیر یا-ده بیر یریم ییل جریانیده، غزنی ولایتی‌ده نیزه‌بازلیک کبی محلی و عنعنوی سپورت‌لر کوپراق رواج‌لنگن و عمومی ریاستی هم اوتمیش کبی محلی و عنعنوی سپورت‌لر نینگ رواج‌لنیشی نی ایسته‌یدی.»

جناب مجاهد گه کوره، اوتمیش بیر یریم ییل‌ده غزنی شهری نینگ تورلی بولیم‌لری و اوزاق تومن‌لریده محلی سپورت بولیم‌لریده نیچه مرته رقابت یولگه قوییلگن دیر.

شونده‌ی بیرحالده، غزنی سپورت اداره‌سی نینگ محلی و سنتی سپورت‌لر مدیری ابوذر محمودی نینگ ایتیشیچه، مذکور اداره‌ محلی سپورت‌لر نینگ قانون‌مند قیلیش خصوصیده سعی و حرکت قیلماقده.

جناب محمودی نینگ کوپه‌یتیریشیچه، سونگی بیر ییلده غزنی‌ ده محلی اویین‌لر و رقابت‌لردن برچه‌سی اوشبو اداره‌ نینگ هماهنگ‌لیگی‌ده منظم بیر شکلده یولگه قویلیشی اوچون سعی و حرکت‌ بولگن دیر.

بیزلرنینگ فیسبوک صحیفه‌میزگه باش اورینگ!

باشقه بیر تامان‌دن، غزنی سپورت مربی‌لرن بیری یونس بیات نینگ سلام‌وطندار گه ایتیشیچه، سپورت رواجلنیشی جماعه نینگ سلامت‌لیگی اوچون فایده‌لی دیر و ییگیت‌لر و یاش ییگیت‌لر نی مخدره ماده گه چلینیش‌دن اوزاق توته‌دی.

ایتیش کیره‌ک که، غزنی ده محلی و عنعنوی اویین‌لر رواج‌لنیشی بیلن، مذکور سپورتی بولیم‌لر رقابتی دوره‌لری نینگ یولگه قوییلیشی اوچون کوپراق موافق‌لیک و ییترلری بودیجه اجره‌تیش گه نیازمند دیر.

تریلر «سرخ‌سالی» سریالی نینگ آچیلیش مراسمی کابلده یولگه قوییلدی

تریلر «سرخ‌سالی» سریالی افغانستان‌ده بیرینچی تاریخی سریال دیر، اوتگن کون کابلده فرهنگی‌لر وسینماگرلرحضوریده بیر احتفال آرقه‌لی آچیلیش مراسمی بولیب اوتدی.

اوشبو سریال «نمارسانه» موسسه‌سی تامانیدن تیارلنگن، مذکور سریالده کابل «چنداول» ۵۸ – ینچی سنه‌ده نورآغا اسملی کیشی  حیاتی نینگ روایتی تصویرگه تارتیلگن دیر.

نورآغا اویله‌نیش عرفه‌سیده توستدن، سیاسی اوزگریش دامی گه ایلینه‌دی، آته و آنه‌سی نی قولدن بیریب جانی  نینگ قوتقریش اوچون کوره‌ش و قاچیش ایکی یولیده بند قاله‌دی.

او سونگی‌ده ملت‌نی قوتقریش اوچون کوره‌ش یولی‌نی تنله‌یدی و اهالی‌نی بسیج قیلیش توغریسیده فعال حصه قوشه‌دی. نور آغا که ۵۸-ینچی سنه نینگ سرطانیده مردمی قیام که افغانستان معاصر تاریخی‌ده چنداول قیامی گه  معروف دیر قوشیله‌دی.

بیزلرنینگ فیسبوک صحیفه‌میزگه باش اورینگ!

نمارسانه موسسه‌سی نینگ باشلیغی و سرخ‌سالی سریالی نینگ دایرکتری سید محمدتقی حیدری نینگ ایتیشیچه، ایکی ییل، کیچه- کوندوز تینمه‌ی فعالیت قیلیشدن کیین بو سریال‌نی ایشلب چیقاریش گه قادر بولگن‌لر.

اونینگ کوپه‌یتیریشیچه، مملکت‌ده فلم تولدیریش اوچون امکانیت یوقلیگی، تاریخی و داستانی سریال‎‌لرنی ایشلب چیقاریشی قیین دیر، بیراق اونینگ تاکید قیلیشیچه، مملکت‌ده شو کبی سریالی‌لرنی ایشلب چیقاریش نیاز بولگن‌لیگی سبب مذکور سریال‌نی تهیه قیلیش گه اقدام قیلگن‌لر.

شونینگ دیک، سرخ‌سالی سریالی دایرکتری نینگ یاردمچیسی صدام دلاور گه کوره، جامعه نینگ درد و الم‌لری و قیین‌چیلیک‌لرینی تصویر گه تارتیش سینماگرلر نینگ بورچ‌لریدن دیر.

اونینگ کوپه‌یتیریشچه، اگرده افغانستان نینگ هنرمندلری و سینمایی کادرلرینی اوستیگه سرمایه یاتقیزیلسه، افغانستان نینگ سینماسی دنیاده یخشی اورین‌نی ایگله‌شی ممکن، «بیز تورت سنه دیر که دود و باروت بیلن حیات کیچیره میز، بیر سریال نی توزه‌تیش اوچون کوپینچه اقتصادی قیین‌چیلیک‌لر بیلن روپه‌رو میز.»

شونده‌ی بیرحالده، افغانستان سینماگرلر بیرلشمه‌سی نینگ سرپرستی صفور آهنگ‌خیل نینگ ایتیشیچه، سرخ‌‌سالی سریالی نمارسانه موسسه‌سی تامانیدن ایشلب چقاریلیشی حاضرگی شرایطده کوپ قیین ایدی؛ بیراق اوشبو مؤسسه کوپینچه سعی و تلاش بیلن اوشبو مهم سینمایی اثرنی ایشلب چقاریش گه قادربولگن‌.

آهنگ‌خیل نینگ کوپه‌یتیریشیچه: «سابق حکومت زمانیده سینما و فرهنگ توغریسیده هیچ قنده‌ی دقت بولمه‌گن. میلیون‌لرچه دالر اوشبو مملکت نینگ آبادانچیلیگی اوچون قولمه قول بولگن؛ بیراق برچه‌سی نی حیف و میل قیلگن‌لر.»

بیزلرنینگ فیسبوک صحیفه‌میزگه باش اورینگ!

اوشبو سریال شونده‌ی بیرحالده، نمایش گه قوییلدی که افغانستان سینماسی نیچه ییللردن بویان کوپینچه قیین‌چیلیک‌لربیلن روپه‌رو دیر.

سابق دولت قوللشی بیلن افغانستان‌ده افغان فلم ریاستی شامل برچه سینمایی نهادلرنینگ فعالیتی توخته‌تیلدی. بیراق اسلامی امارت رسمی‌لری نینگ ایتیشیچه، اوشبو ریاست فعالیتی‌نی قیته‌دن باشله‌یدیلر.