عالی اوقوو وزیرلیگی بیر اعلامیه ترقه‌تیب، سونگی اوزگریش لردن کیین، مملکت نی ترک ایتگن بوتون بیلیم یورت اوقیتووچی‌لری نینگ افغانستان گه قیتیشینی سوره‌گن.
اعلامیده‌ده کیلیشیچه، ترقیات بولمه‌گن صورت‌ده، مملکت نینگ تعلیمی تیزیمی ناقص دیر؛ انه شوو سبب، اوشبو وزیرلیک افغانستان نی ترک قیلگن بوتون علمی کادرلردن، مملکت گه قیتیش‌لرینی طلب قیله‌دی.
بیزلرنینگ فیسبوک صحیفه‌میزگه باش اورینگ!
عالی اوقوو وزیرلیگی نینگ کوپه‌یتیریشیچه: «افغانستان بوتون قوملر نینگ قوشمه اویی دیر و اونینگ توزه‌تیشی اوچون برچه‌میز مسئول. بوتون اوقیتووچی‌لردن حرمت بیلن خواهش قیله‌میز که مملکت نینگ توزه‌تیب و ترقیات نیتی بیلن قیته کیلسینلر.»
عالی اوقوو وزیرلیگی نینگ اورغولشیچه، بیلیم یورت اوقیتووچی‌لری نینگ معنوی و اقتصادی امتیازلری نینگ توله‌ش اوچون متعهد دیر.
شونینگدیک اعلامیه‌ده کیلگن که، عالی اوقوو وزیرلیگی نینگ رهبری هیأتی ینگی علمی کادرلر نی استخدام قیلیش اوچون، بست‌لر نی اعلان قیلگن و اوشبو وزیرلیک علمی کادرلر اوچون آسایشته‌لیک و ایش زمینه‌سی نی فراهم قیلیش نی ملی و ایمانی وجیبه دیگن.
بیزلرنینگ توییترده هم تعقیب قیلینگ!
شونده‌ی بیرحالده، سابق حکومت نینگ سقوط قیلگنی، اسلامی امارت نینگ قدرت گه ایریشگنی و طلبه‌لر یوزیگه دولتی بیلیم یورت دروازه‌لری نینگ یاپیق قالگنیدن کیین، بیلیم یورت اوقیتووچی‌لری و علمی کادرلردن کوپ قطاری مملکت نی ترک قیلگن.
کابل بیلیم یورت اوقیتووچی‌لریدن قطاری سلام‌وطندار گه ایتگن ایدیلر که، اسلامی امارت تامانیدن اوشبو تحصیلی نهاد گه ینگی سرپرست تعیین بولگنی و سابق رئیس نینگ برکنار بولگنیدن کیین، ایشلری نینگ ترک قیلیش نی ایسته‌گنلر. اولر ایتگن ایدیلر که تعلیم کورگن و علمی کادرلر اوچون هیچ قنده‌ی تضمین یوق و اولرنینگ نیچه ییل‌لیک سعی و حرکتلری نقش بر آب بولگن.