اۉزبېکستان جمهور باشلیغی شوکت میرضیایف، ۱۶-سرطان، شنبه کونی آذربایجان شوشای شهری ده تورک مملکتلری تشکیلاتی ییغیلیشی ده، دنیا نینگ تورلی بورچک‌لریده‌گی کېسکین‌لیک‌لر دنیا همجمعیت نینگ افغانستان مسئله‌سی گه دایر بی‌فرق بولیشی گه سبب بولگنینی اېتگن.
او افغانستان مسئله‌سی گه دقت قیلینیشینی مهم دیب، تورک مملکتلری تشکیلاتی اعضالریدن افغانستان وضعیتی گه دایر مسئله‌لرنی هماهنگ طرزده خلق‌ارا ییغیلیش‌لرده بحث گه آلیش‌لرینی اېسته‌گن: «افسوس بیلن منطقه و دنیا نینگ تورلی بورچک‌لریده‌گی کېسکین‌لیک، اوروش و توقنشوولر، دنیا همجمعیت نینگ قۉشنی‌میز افغانستان وضعیتی گه بی‌فرق بولیشی گه سبب بولگن. حاضرگی قلتیس احوالده افغانستان وضعیتی بو تشکیلات گه اعضا مملکتلر تامانیدن بوتون ییغیلیش‌لرده بحث گه آلینیشی کېره‌ک.»
اوشبو ییغیلیش ده اۉزبېکستان جمهور باشلیغی، مملکتی نینگ افغانستان گه یاردملری دوام تاپیشیدن ایشانچ بیلدیریب و افغانستان خلقی گه یاردم کورسه‌تیش اوچون قۉشمه اقدام بولیشینی سۉره‌گن.
بیزلرنینگ فیسبوک صحیفه‌میزگه باش اورینگ!
باشقه تاماندن، سیاسی و خلق‌ارا مسئله‌لر ایش بیلرمان‌لریدن بیرقطاری نینگ ایتیشلریچه، دنیا همجمعیت نینگ افغانستان وضعیتی گه دایر بی‌فرق‌لیگی، ایچکریده‌گی معمالرنی کوچه‌یتیریب و مملکتلر نینگ اسلام امیرلیگی بیلن مناسبتی اوستیگه سلبی تأثیر قویه‌دی.
سیاسی ایش بیلرمان محمود اضطرابی گه کوره، سرپرست حکومت دیپلماتیک یوللر آرقه‌لی دنیا همجمعیت بیلن علاقه قوریشی ممکن.
اونینگ کوپه‌یتیریشیچه: «دنیا بیلن علاقه کمه‌یگن، اسلام امیرلیگی دنیا بیلن دیپلماتیک یوللر آرقه‌لی علاقه قورمسه، بو فرصت کویه‌دی و افغانستان وضعیتی گه اعتبار بیریلمه‌یدی.»
بیزلرنینگ «ایکس» ترماغی ده هم تعقیب قیلینگ!
خلق‌ارا مسئله‌لر ایش بیلرمان‌لریدن اجمل زرمتی گه کوره: «مملکتلر آچیق سیاست و جهانی یقینلشوودن اوزاق‌لشیب و کوپراق منفعت‌لری اوچون سعی-حرکت قیلماقده‌لر، مملکتلر نینگ همکارلیگی گه قره‌ب علاقه قورگنلری کبی، افغانستان چیتده قاله‌دی.»
۱۴۰۲-ییلده افغانستان مسئله‌سی خلق‌ارا ییغیلیش‌لرده بحث گه آلینر اېدی و اوشبو ییل افغانستان وضعیتی گه دایر چمه‌سی کته-کیچیک ۲۰ ییغیلیش بولیب اۉتدی، بو ییغیلیش‌لر نینگ کوپینچه‌سیده افغانستانده همه‌شمول حکومت شکللنیشی، افغانستان توپراغیدن باشقه مملکتلر گه قرشی فایده‌لنیلمسلیگی، بنگی‌وار ماده‌لر گه قرشی کوره‌ش و انسان حقلری اینیقسه خاتین قیزلر نینگ حقوقی رعایت اېتیلیشی گه تأکیدلنگن.