قرغیزستان پایتختی بیشکک شهری بوگون (۶-نومبر/۱۶-عقرب، چهارشنبه) تورک دولتلری تشکیلاتی نینگ نوبتده‌گی ۱۱-ییغیلیش میزبانی اېدی.
بو ییغیلیشده تورکیه، اۉزبېکستان، قزاقستان، قرغیزستان، آذربایجان، مجارستان و شمالی قبرس تورک جمهوریتی رهبرلری علیحده نطق‌لریده، دنیا مقیاسی اینیقسه اسرائیل و غزه همده روسیه و اوکراین اۉرته‌سیده دوام اېته‌یاتگن اوروش گه اشاره قیلیب، تورک دولتلری تشکیلاتی گه اعضا مملکتلر اۉرته‌سیده همکارلیک‌لر کوچه‌یشی و افغانستان مسئله‌سی حل اېتیلیشی گه تأکید اېتگنلر.
اوشبو ییغیلیشده، تورکیه دولت رهبری رجب طیب اردوغان افغانستان خلقینی قۉللب-قوتلش گه دوام بیریشینی بیلدیردی.
بیزلرنینگ فیسبوک صحیفه‌میزگه باش اورینگ!
اونگه کوره: »تورکیه ده‌گی صلح و ثبات‌نی افغانستان ترقیات‌لریدن ایری کورمه‌یمیز. هردایم اېتگنی‌میز کبی افغانستان برادرلریمیزنی قۉللب-قوتلش گه دوام بیره‌میز، شو بیلن بیرگه وقتینچه‌لیک دولت همه‌شمول و اساسی حقوقلر گه اساسلنگنی گه ایشانه‌من و اولر یوزیگه ینگی ایشیک‌لر آچیلیشی ممکن.»
باشقه تاماندن، مذکور ییغیلیشده اۉزبېکستان جمهور باشلیغی شوکت میرضیایف، تورک دولتلری تشکیلاتی خوفسیزلیگی اوچون افغانستان‌ده‌گی وضعیت گه دقت قیلینیشینی اېسته‌گن.
شونینگدیک، میرضیایف جنابلری افغانستان قیینچیلیگی حل اېتیلیشی اوچون بو تشکیلات‌نینگ اسلام امیرلیگی بیلن همکارلیک قیلیشی کېره‌ک دیگن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «امنیتی وضعیت گه دقت قیلیش اوچون، تشکیلاتی‌میز افغانستان وضعیتی گه دقت قیلیشی کېره‌ک، بوتوغریده ترتیبلی مذاکره‌لر اۉتکزیلیشی لازم، افغانستان‌نینگ جدی قیینچیلیک‌لری حل اېتیلیشی اوچون افغانستان حاضرگی حکومتی بیلن همکارلیک بولیشی درکار و منطقه اقتصادیاتی پروسه‌لریده افغانستان دولتینی ترغیب قیلیش اوچون تلاش قیلیش کېره‌ک.»
تورک دولتلری تشکیلاتی منطقه و افغانستان‌نینگ شمالی مملکتلریدن شکللنگن و اسلام امیرلیگی بو تشکیلات نینگ کوپینچه اعضالری بیلن یخشی علاقه‌ده دیر.
افغانستان وضعیتی گه دایر تورک دولتلری تشکیلاتی ییغیلیشی‌ده‌گی بیانات گه دایر، اسلام امیرلیگی‌نینگ فکر-ملاحظه‌سینی اورگه‌نیشنی اېسته‌دیک؛ لېکن سرپرست حکومت سۉزلاوچیسی بو گزارشنی یازگونچه جواب قیترمه‌دی.
