عالی اوقوو وزیرلیگی مسئوللری، بوگون (یک‌شنبه، ۴-سنبله)، امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، سونگی بیر ییلده لیسانس درجه‌سیده ۸۹ نصاب، ماسترلیک درجه‌سیده ۳۵ نصاب و دکترا درجه‌سیده ییتّی نصاب شامل تحصیلی ۱۳۱ نصاب قیته کوریلیب و تصدیق‌لنیش مقصد تیگیشلی نهادلر گه یوباریلگن.
مسئوللر گه کوره، اوتگن بیر ییلده ۱۱ دکترا برنامه‌سی، ۲۶ ته ماسترلیک برنامه‌سی یولگه قوییلیب و شونینگدیک دولتی بیلیم یورتلرده ۱۳ ته ینگی فاکولته هم آچیلگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک مسئوللری نینگ کوپه‌یتیریشلریچه، افغانستان تحصیلی ساحه‌سی نینگ باییتیلیشی مقصد، ایرکین سیناو آرقه‌لی ۶۴۰ علمی خادم ایش گه قبول قیلینیب و مذکور وزیرلیک نینگ اداری، مسلکی و تخصصی بست‌لریده بیر مینگ ۳۱۷ ایشلاوچی ایشگه آلینگن.
عالی اوقوو وزیرلیگی مسئوللری نینگ ایتیشلریچه، تحصیللری نینگ دوام بیریش مقصد مملکت‌دن تشقی گه کیتیب و مملکت گه قیتگن ایکی مینگ ۲۱۲ افغانستان‌لیک طلبه نینگ حجتلری هم تیکشیریلگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک تامانیدن ارائه بولگن معلومات اساسیده، اوتگن ییل ۵۱ مینگ ۹۵۰ طلبه بیلیم یورت‌لردن فارغ بولیب و حاضر ایسه ۱۸۹ مینگ ۹۹۱ طلبه بیلیم یورتلرده تحصیل کورماقده.
طلبه‌لر گه عالی اوقوو زمینه‌سی یره‌تیلیشی مقصد بیر قطار سکتوری وزیرلیک‌لر بیلن همکارلیک شرطنامه‌لر امضالنیشی، فارغ بولگن طلبه‌لر نینگ حکومتی اداره‌لرده ایشگه آلینیشی و ایشلاوچیلر ظرفیتی آشیریلیشی، عالی اوقوو وزیرلیگی نینگ بیر ییل‌لیک یوتوقلریدن باشقه بیری دیر.