اسلام امیرلیگی سوزلاوچیسی ذبیح‌الله مجاهد، یک‌شنبه کونی، ۲۱ جوزا، بیر بیانیه ترقه‌تیب ایتیشیچه، بیرلشگن ملت‌لر تشکیلاتی خوفسیزلیک کینگشی نینگ تحلیل و تعزیرات کمیته‌سی نظارتی تیمی نینگ سونگی گزارشی، «بیرتامانلمه، موازنت‌سیز و واقعیت‌سیز» دیر. او نینگ کوپه‌یتیریشیچه، بو گَل گزارش‌لر و بیرلشگن ملت‌لر تشکیلاتی خوفسیزلیک کینگشی تحریم‌لری، «تعصبلی و مستقل‌لیک قاعده‌لر و ایچکی ایشلر گه اره‌لشیش دیر.»
اسلام امیرلیگی سوزلاوچیسی نینگ کوپه‌یتیریشیچه، بیرلشگن ملت‌لر تشکیلاتی خوفسیزلیک کینگشی گزارشی ده، اسلام امیرلیگی گه قرشی «اساس‌سیز» عیبلاولر عکس ایتتیریلگن. اونگه کوره، اسلام امیرلیگی رسمی‌لری اورته‌سیده قرمه قرشی‌لیک ادعالر، افغانستان ده عصیانچی گروه‌لر نینگ حضوری، اسلام امیرلیگی اعضالری تامانیدن بنگی‌وار ماده‌لری قاچاق ایتیلیشی و اوشبو حکومت تامانیدن قدرت قمراوگه آلینیشی، «اساس‌سیز، یشاوچیلر و مستقل تیزیم بیلن آیدین دشمن‌لیک قیلیش و اوتگن ۲۰ ییل ده‌گی حق‌سیز ریکلام‌لرنی تکرار قیلیش» دیر.
بیزلرنینگ فیسبوک صحیفه‌میزگه باش اورینگ!
عین‌حالده، بیرلشگن ملت‌لر تشکیلاتی خوفسیزلیک کینگشی نینگ تحلیل و تعزیرات کمیته‌سی نظارتی تیمی گزارشی اساسیده، قندهار و کابل پایگاه‌لریدن اسلام امیرلیگی رهبریت بولماقده؛ جمله دن کابل ده ایچکی ایشلر وزیرلیگی نینگ سرپرستی سراج‌الدین حقانی و ملی مدافعه وزیرلیگی نینگ سرپرستی محمدیعقوب مجاهد و کابل_قندهار ده هبت‌الله آخوندزاده گه وفادار کیشی‌لر دیر.
مذکور گزارش ده، اسلام امیرلیگی رسمی‌لری عصیانچی گروه‌لر جمله دن القاعده گروهی بیلن مناسبت‌لرینی کیسیش گه دایر دوحه بیتیمی گه عمل قیلمه‌گنلیککه عیبلنگن. گزارش گه بناً، القاعده گروهی و پاکستان‌لیک طالبلر تحریکی بیلن اسلام امیرلیگی نینگ مناسبتی سابق کبی مستحکم دیر.
بیرلشگن ملت‌لر تشکیلاتی خوفسیزلیک کینگشی نینگ تحلیل و تعزیراتی کمیته‌سی نظارتی تیمی، مذکور گزارش ده یازیشیچه، حاضرگی کونده القاعده اوزینی قیته تیکلش اوچون تیارگرلیک کورماقده‌لیگی سیزیلگن و پاکستان‌لیک طالبلر تحریکی اسلام امیرلیگی کوچلری حمایتی بیلن پاکستان ایچیده هجوم قیلیشه‌دی.باشقه تاماندن، اسلام امیرلیگی سوزلاوچیسی گه کوره، اسلام امیرلیگی قوشنی و منطقه مملکت‌لر نینگ مخالف‌لری گه یاردم بیره‌دی یا ده افغانستان توپراغیدن باشقه اولکه‌لر گه قرشی فایده‌لنیشی گه دایر خواطرلرنی قتیق روشده رد قیله‌دی.
بیزلرنینگ توییترده هم تعقیب قیلینگ!
ذبیح‌الله مجاهد نینگ کوپه‌یتیریشیچه، اسلام امیرلیگی رسمی‌لری بیرگن وعده‌لری گه توختب و افغانستان دن قوشنی، منطقه و دنیا اولکه‌لری گه قرشی هیچ قنده‌ی تهدید یوق‌لیگیدن ایشانچ بیریش‌لری اوستیده تأکید ایتگنلر. او نینگ ایشانچی گه کوره، افغانستان ده بنگی‌وار ماده‌لرنی ایشلب چیقریش و قاچاقی قیلیشی سیزیلرلی درجه ده کمه‌یگن.
بیرلشگن ملت‌لر تشکیلاتی خوفسیزلیک کینگشی نینگ تحلیل و تعزیراتی کمیته‌سی نظارتی تیمی اوز گزارشی ده، تریاک ایکیلمسلیگی باره‌سیده اسلام امیرلیگی رهبری نینگ فرمانی تأثیراتی حقیده قضاوت قیلیش وقت دیگن. مذکور گزارش اساسیده، بنگی‌وار ماده‌لری قاچاقی و ایشلب چیقریلیشی کوپه‌یگن.
