فاریاب محلی مسئوللری نینگ ایتیشلریچه، اوتگن هفته جمعه کونی، ۵ جوزا، اوشبو ولایت ده ینگی تشکیل ایتیلگن خیبر تومنی «قرایی» منطقه‌سیده «المعراج تارشی» اسمی ده بیر جامع مسجد قوریلیب فایده‌لنیشگه تاپشیریلگن.
۲۰ میلیون دن آرتیق افغانی عوضی گه قوریلگن مذکور مسجد ده، بیر وقت ده ایکی مینگ نماز اوقووچی سیغه‌دی.
اوشبو مسجد آچیلیشی مراسمیده خیبر تومنی حاکمی نورالله نوری نینگ ایتیشیچه: «بو مسجد نینگ تمل تاشی دستلب رحمتلی حاجی عبدالوهاب تارشی تامانیدن قوییلگن ایدی؛ بیراق او نینگ وفاتی دن کیین، مذکور مسجد نینگ قوریلیش ایشی او نینگ سینگیلیسی بی‌بی حاجی معراج میمنگی و بی‌بی حاجی معراج میمنگی فرزندلری نینگ مالی یاردمی بیلن قوریلگن.»
جناب نوری نینگ کوپه‌یتیریشیچه، مذکور مسجد نینگ قوریلیشی اوچون صرفلنگن ییتتی میلیون افغانی «قرایی» منطقه‌سی یشاوچیلری و قالگنی ایسه، بی‌بی حاجی معراج میمنگی و فرزندلری تامانیدن توللـه‌نیلگن.
بیزلرنینگ فیسبوک صحیفه‌میزگه باش اورینگ!
خیبر تومنی حاکمی، بی‌بی حاجی معراج میمنگی و فرزندلری اینیقسه حاجی محمد تارشی نینگ اوشبو اقدامینی خوش قرشی‌لب ایتیشیچه: «قرایی یشاوچیلری مسجد یوق‌لیگی باعث، بیش وقت نمازینی اوقیش و باشقه دینی مراسم‌لرینی اوتکزیش اوچون ایریم قیینچیلیکلر بیلن روپه‌ره ایدیلر و حاضر بو قیینچیلیکلری حل بولگن.»
عین‌حالده، مذکور مسجد نی آچیش اوچون تورکیه دن تشریف بویرگن بی‌بی حاجی معراج میمنگی نینگ ایتیشیچه، اوزی و اوغیل‌لری نینگ مالی یاردمی بیلن قوریلگن اوشبو مسجد، دین گه خذمت قیلیش و قرایی منطقه‌سی یشاوچیلری نینگ قیینچلیکلری حلی مقصدیده قوریلگن.
او نینگ کوپه‌یتیریشیچه: «مذکور مسجد نینگ قوریلیشی اوچون ۲۰ میلیون افغانی صرفلنگن، دین عالم‌لری و محلی مسئوللر اویغون‌لیگی بیلن بوگون قرآن‌کریم ختمی اوتکزیلیشیدن سونگ، آچیلیب و فایده‌لنیشگه تاپشیریلگن.
اوشبو مراسم ده بی‌بی حاجی معراج میمنگی، المعراج تارشی جامع مسجدی قوریلیشی اوچون «قرایی» منطقه‌سی یشاوچیلری تامانیدن ساوغه قیلینگن ییردن منتدارچیلیک بیلدیردی.
باشقه تاماندن، مذکور مسجد نینگ فایده‌لنیشگه تاپشیریلیش مراسمی ده، المعراج تارشی جامع مسجدی قوریلیش ایشیدن نظارت قیلگن سیدنورمحمد گه کوره: «بو مسجد ۷۵۰ متر مربع ده قوریلگن و بیر وقت ده ایکی مینگ نماز اوقووچی سیغه‌دی.»
شونینگدیک او، بی‌بی حاجی معراج میمنگی و فرزندلری نینگ مالی یاردمی دن منتدارچیلیک بیلدیریب کوپه‌یتیریشیچه: «اوشبو مسجد قوریلیشی بیلن، خیبر تومنی قرایی منطقه‌سی یشاوچیلری نینگ قیینچیلیکلری حل بولگن.»
بیزلرنینگ توییترده هم تعقیب قیلینگ!
شونینگدیک، «المعراج تارشی» جامع مسجدی نینگ آچیلیش مراسمیده نطق سوزله‌گن مسئوللردن قطاری، بی‌بی حاجی معراج میمنگی و فرزندلری دن باشقه منطقه یشاوچیلری اوچون انسان سیورلیک فعالیت‌لری گه دوام بیریش‌لرینی طلب قیلدیلر؛ اولر نینگ ایشانچی گه کوره، حاضرگی قلتیس شرایط ده یشاوچیلر انسان سیور کیشی‌لر نینگ بو گَل حمایتی گه نیازمندلر.
بوندن آلدین، بی‌بی حاجی معراج میمنگی و فرزندلری نینگ مالی حمایتی بیلن فاریاب مرکزی میمنه شهری ده بیر مسجد، المار تومنیده عبدالرب تارشی مسجدی؛ قوش‌تیپه قیشلاغیده المعراج عمر مدرسه‌سی و تخار ده «المعراج للبنات» قیزلر مدرسه‌سی قوریلگن.