بکارت آزمایشی خصوصیده افغانستان میدیکا نهادی نینگ ینگی تدقیقاتی‌گه کوره، آزمایش قیلینگن ۲۹ واقعه‌دن هیچ‌بیری هم صلاحیت‌لی محکمه نینگ قراری اساسی‌گه صورت تاپمه‌گن.
اوشبو تدقیقات ده کوپراغی کابل، هرات و بلخ ولایتیدن بولگن ۲۹ واقعه تیکشیریلگن.
افغانستان میدیکا نهادی مسوول‌لری نینگ ایتیش‌لریچه، بکارت‌لری آزمایش قیلینگن‌لردن ۲۲ ته‌سی نینگ یاشی ۱۸ دن یوقاری دیر و باشقه ۷ ته‌سی نینگ یاشی ۱۸ دن قویی دیر.
مذکور تدقیقات‌گه کوره، ۲۳ مورد آزمایش ناقانونی جنسی رابطه‌نی اثبات‌لش، ۴ موردی جنسی اذیت خصوصیده بولگن شکایت، بیر موردی اوغیرلاوچلیک و باشقه بیر موردی ایسه کیلین نینگ باکره بولمه‌گنی خصوصیده بولگن شکایت سبب، صورت تاپگن.
افغانستان میدیکا نهادی نینگ دادخواه‌لیک بولیمی مسوولی حمیده رمضانی نینگ ایتیشیچه، ۲۹ واقعه جمله‌سیدن ۲۸ ته‌سی پولیس تامانیدن و باشقه بیر واقعه باش قاره لاوچیلیک تامانیدن آزمایش‌گه یوباریلگن.
خانم رمضانی نینگ کوپه‌یتیریشیچه، آزمایش موردلریدن هیچ‌بیریگه محکمه نینگ حکمی آلینمه‌گن.
اوشبو تدقیقات‌گه کوره، ۲۲ کیشی آزمایش دن آلدین عیب‌لریگه اعتراف قیلگن، بیراق ینه هم آزمایش قیلینگن، ۶ کیشی عیب‌لریگه اعتراف قیلمه‌گن و باشقه بیر کیشی دن بی‌هوش‌لیک پیتده آزمایش آلینگن.
عین‌حالده، عیال‌لر وزیرلیگی اورین باسری سپوژمی وردک نینگ ایتیشیچه، بو وزارت تامانیدن عیاللرگه قرشی زوروانلیک عاملی خصوصیده یولگه قوییلگن تدقیقات‌گه اشتراک قیلگن‌لردن ۷۸% ناتوغری رسم و رواجلرنینگ حاکم‌لیگی نی عیاللرگه قرشی زوروانلیک کوپه‌یشی‌گه عامل عنوان قیلگنلر.
معتادلیک، سواد سطحی نینگ قویی بولگنی، قیز و ایرکک فرزند آره‌سیده تبعیض بولگنی عیاللرگه قرشی زوروانلیکلرنینگ کوپه‌یشی سبب، بولگن باشقه عامللر دیر.
