افغانستان دواملی قوروق‌چیلیک‌لردن کیین، بو ییل بهار موسومی نی کوپینچه یاغینگرچیلیک بیلن باشله‌گن.
شونده‌ی بیرحالده، کیله‌سی ایکی کون هم مملکت نینگ ۲۲ ولایتی‌ده یاغینگرچیلیک پیشبینلیک بولیب و افغانستان نینگ اساسی ایکینچیلیک محصولی بولگن بوغدای حاصلاتی کوپه‌یشی خصوصیده امید‌وارلیککه سبب بولگن.
ایکینچیلیک، سووغاریش و چاروه‌چیلیک وزیرلیگی مملکت‌ده بوغدای ایکیلگن ییرلر خصوصیده معلومات ارائه قیلمه‌گن؛ بیراق ایتیشیچه، کوپینچه یامغیر یاغگنی و للمی ییرلر نینگ ییترلیچه نم‌لنگنی سبب، بوغدای حاصلاتی نینگ سیزیلرلی درجه‌ده کوپه‌یشی پیشبینلیک بولگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سوزلاوچیسی مصباح‌الدین مستعین نینگ سلام‌وطندار گه ایتیشیچه: «اخیرگی یاغینلر حاصلات کوپه‌یشی اوچون اونملی دیر، مملکت‌ده کوپراق بوغدای للمی ییرلرده ایکیله‌دی شو اوچون بو ییل سوو کوپه‌یب بوغدای حاصلی کوپه‌یشی ممکن.»
یامغیرلر یاغگنی خصوصیده ایکینچیلیک وزیرلیگی مسئوللری نینگ امید‌وارلیگی گه علاوه، هرات ولایتی‌ده هم دهقان‌لر بوغدای ایکین‌زارلری نینگ یخشی حاصل بیریشی گه امید‌وارلر.
هرات ولایتی‌ده‌گی دهقانلردن بیری و حیات خره‌جتی نی ایکینچیلیک بیلن تأمین قیله‌دیگن بسم‌الله نینگ ایتیشیچه، اوتگن ییل قوروق‌چیلیک سبب ایکینچیلیگی‌دن یخشی بیر شکلده حاصل قولگه کیلتیره آلمه‌گن؛ لیکن بو ییل یاغینگرچیلیک اونینگ امید‌وارلیگی گه سبب بولگن.
بیراق بسم‌الله ایکین‌زارلری نینگ تهدید قیلیشی خصوصیده چیگیرتکه و دول «ژاله» کبی طبیعی و اوسیم‌لیک آفتلری‌دن خواطرلنگن دیر.
اونینگ کوپه‌یتیریشیچه: «بو ییل بیراز امید بار اگرده ایکینلرنی بیران آفت‌لر و ژاله اورمسه یخشی حاصل آله‌میز دیگن امیدده میز.»
بو ییل بهار ده یاغینگرچیلیک میزانی‌دن امید‌وارلیک بولگنی بیلن، قیش‌ده قوروق‌چیلیک سبب للمی ییرلردن کوپ قطاری نینگ ایکین‌لر آستیده قالگنیدن هم خواطرلر بار.
بیزلرنینگ فیسبوک صحیفه‌میزگه باش اورینگ!
بو توغریده اطراف-محیط ایشلری بوییچه ایش بیلرمانی نجیب‌الله سدید نینگ ایتیشیچه: «بو ییل ایکینلرنی بیر بولیمی ساووق و سیلاب‌لردن زیان کورگن، اوتکن قیش موسومیده‌گی ایسیق هوا و قوریقچیلیک ایکینلرنی زیان‌گه بۉلدی، بو ییل ایتیلشیچه، کوپلب ییرلرگه بوغدای ایکیلمه‌گن شو اوچون بو یخشی ییل‌دن اونچه‌لیک فایده‌لنمسلیگیمیز ممکن.»
عین حالده، بیرلشگن ملت‌لر تشکیلاتی نینگ آزیق-آوقت و ایکینچیلیک اداره‌سی مملکت‌ده بوغدای حاصلاتی سروی‌سی نی باشله‌گن دیر.
اوتگن کون ترقه‌تیلگن اوشبو اداره نینگ اعلامیه‌سی اساسیده، بو پروسه ننگرهار ولایتی‌دن باشلنگن و مملکت بویلب تطبیق بولیشی گه قرار آلینیب و اوندن مقصد افغانستان بوغدایی نینگ حاصلاتی و کیفیت میزانی نینگ تیکشیریش دیر.