بنگلادیش خلق‌ارا جنایی محکمه، ۲۶-میزان، پنج‌شنبه کونی، اوشبو مملکت نینگ سابق باش وزیری شیخ حسینه نینگ قولگه آلینیشنی بویرگن. خانم حسینه بنگلادیش ده طلبه‌لر نینگ ناراضی‌لیگی جریانیده «توپلم اولدیریش» ده رولی بارلیککه عیبلنگن.
اوشبو ییل جولای آیی باشلریده، بنگلادیش‌لیک طلبه‌لر دولت وظیفه‌لری سهمیه‌بندلیک بولگنی اوچون شیخ حسینه حکومتی گه قرشی ناراضی‌لیک بیلدیردیلر.
بیزلرنینگ فیسبوک صحیفه‌میزگه باش اورینگ!
طلبه‌لر نینگ ناراضی‌لیگی خوفسیزلیک کوچلر نینگ قرشی‌لیگی بیلن دوچ بولیب و ۷۰۰ دن کوپراق کیشی هلاک و بیرقطار طلبه‌لر نینگ یره‌لنیشی گه سبب بولدی.
ناراضی‌لیک و زوره‌وانلیکلر اوج آلگچ، شیخ حسینه بنگلادیش باش وزیری لوازمیدن استعفا گه چیقیب و هندوستان گه قاچدی.
بنگلادیش ده طلبه‌لر باشچیلیگیده‌گی بو ناراضی‌لیک، ۱۹۷۱-ییلده بو مملکت مستقل‌لیگینی آلگنیدن بیری اېنگ قانلی واقعه اته‌لگن.
بیزلرنینگ «ایکس» ترماغی ده هم تعقیب قیلینگ!
مذکور مملکت خلق‌ارا جنایی محکمه، طلبه‌لر نینگ ناراضی‌لیگی جریانیده زوره‌وانلیککه دایر شیخ حسینه شامل ۵۰ کیشی نینگ قولگه آلینیش بویروغینی بیرگن.
محکمه، خانم حسینه ۱۸-نومبر گچه قولگه آلینیب و محکمه گه تانیشتیریلیشینی اېتگن.
