بلغارستان پایتختی صوفیه شهری‌ده بیر کامیون‌ده افغانستانلیک ۱۸ مهاجر نینگ هلاک بولگنی‌دن کیین، افغانستان تشقی ایشلر وزیرلیگی بیر پیغام آرقه‌لی اوشبو واقعه قربانی‌لری نینگ عایله‌لری گه قیغوداشلیک بیلدیرگن.
تشقی ایشلر وزیرلیگی نینگ یازیشیچه، جاری ییل ۱۷-فبروری، افغانستانلیک ۱۸ یشاوچی اوچ کون صوفیه شهری‌ده جایلشگن قتناو یولیده، بیر کامیون ایچیده قالگن ایکنلر که، آچلیک، چنقاق‌لیک و اکسیژن کم‌لیگی سبب، هلاک بولگنلر و اولردن بیر قطاری ایسه شهر نینگ مرکزی کسل‌خانه‌سی گه انتقال تاپگنلر و ساغلیق وضعیت‌لری قانیقرلی دیر.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی بوتون افغانستان یشاوچیلریدن ناقانونی مهاجرت یوللری نی تنله‌ب، حیات‌لری نی خوف آستیده قویمه‌یشلری نی ایسته‌گن.
مذکور وزیرلیک نینگ پیغامی‌ده کیلگن که: «ا.ا.ا تشقی ایشلر وزیرلیگی اوشبو غم‌انگیز حادثه قربانی‌لری نینگ عایله‌لری گه قیغوداشلیک بیلدیریب و ینه بیر مرته برچه افغان‌لردن ناقانونی مهاجرت یوللری نی تنله‌ب، حیات‌لری نی خوف آستیده قویمه‌یشلری نی ایسته‌یدی.»
شونینگدیک تشقی ایشلر وزیرلیگی برچه خلق‌ارا نهاد‌لر اینیقسه (بلغارستان) نینگ میزبان مملکت‌لریدن دایم انسان‌لر قاچاقی گه سبب بولگن کیشی‌لر نی قولگه آلیب و قانون گه تاپشیریلیشی نی ایسته‌گنلر.
بلغارستان‌لیک رسانه‌لر نینگ گزارشی اساسیده، جمعه کونی ۲۸-دلو، مذکور مملکت پایتختی صوفیه شهری اطرافیده بلغارستان پولیسی آرقه‌لی بیر کامیون‌ده افغانستانلیک ۱۸ جسد کشف بولگن. بلغارستان پولیشی گه کوره، مذکور کیشی‌لر صربستان گه ناقانونی شکلده سفر قیلیش نی ایسته‌گن ایکنلر.
بیزلرنینگ توییترده هم تعقیب قیلینگ!
بلغارستان پولیسی نینگ کوپه‌یتیریشیچه، محل یشاوچیلری صوفیه شهری اطرافیده‌گی لوکورسکو منطقه‌سی نینگ ۲۰ کیلومتر‌لیگیده بیر کامیون نینگ توخته‌گنی‌دن خبر بیرگنلر. پولیس گه کوره، ناقانونی شکلده انتقال تاپه‌دیگن کمیده ۵۲ کیشی اوشبو کامیون‌ده یاشینگن ایکن.
ایتیلیشچه، اوشبو کیشی‌لر تنفس آله‌المه‌یش سبب، تاپیلیش‌دن ۱۲ ساعت آلدین بوغیلگن ایکنلر. گزارش‌لر اساسیده، مذکور کیشی‌لر نیچه کوندن بویان هیچ آوقاتله‌نیشمه‌گن. قربانی‌لر آره‌سیده، ۶ یا ده ۷ یاشر بیر باله هم بارلیگی ایتیلگن. معلومات‌لر اساسیده، بو واقعه بلغارستان تاریخی ده مهاجرتی اینگ قانلی واقعه قید ایتیلگن.
