پاکستان سابق باش وزیری عمران‌خان و اونینگ تورموش اورتاغی بشرا بی‌بی، پاکستان ده مالیه‌وی جنایت بوییچه محکمه تامانیدن ۱۴ ییل قماق جزاسی‌گه محکوم بولگنلر.
بیزلرنینگ فیسبوک صحیفه‌میزگه باش اورینگ!
پاکستان ییتکیرمه‌لری بوگون (چهارشنبه، ۱۱-دلو)، خان جنابلری و تومورش اورتاغی «توشه‌خانه» اته‌لگن دولت ساوغه‌لرینی ساتیش عیبی بیلن محکمه تامانیدن مجرم تانیلگنلریدن خبر بیرگنلر.
بونگه علاوه، عمران‌خان و اونینگ تورموش اورتاغی ۱۰ ییل‌گچه هیچ بیر دولت مقامی، سیاسی و حقوقی وظیفه بجره آلمه‌ی و هر بیری ۷۸۷ میلیون پاکستان روپیه‌سی تولش گه جریمه بولگنلر.
بیزلرنینگ «ایکس» ترماغی ده هم تعقیب قیلینگ!
اوتگن کون بیر محکمه اسلام‌آبا ده عمران‌خان و بو مملکت سابق تشقی ایشلر وزیری شاه‌محمود قریشی نی دولت سرلرینی آشکار قیلیش اوچون ۱۰ ییل قماق جزاسی‌گه محکوم قیلگن ایدی. عمران‌خان و شاه‌محمود قریشی بوندن آلدین دولت سرلرینی آشکار قیلیش گه عیبلنگن ایدیلر، بیراق قوس آیی ده پاکستان عالی محکمه‌سی دولت سرلرینی آشکار قیلیش گه عاید عمران‌خان نی کفالت بیلن قوییب یوبارگندی.