مملکتده قیش موسومی ییتیب کیلیشی بیلن کابل ده برق‌سیزلیک، یشاوچیلر نینگ قیینچلیکلرینی کوپه‌یتیرگن؛ هر ییلی قیش موسومی ییتیب کیلیشی بیلن برق‌سیزلیک باعث پایتخت یشاوچیلری و کسبه‌کارلر ایریم قیینچیلیکلر بیلن دوچ بولیشه‌دی.
کابل شهری یشاوچیلریدن معراج‌الدین نینگ سلام‌وطندار گه ایتیشیچه، توش دن کیین ساعت ۴:۰۰ دن کیچه ساعت ۱۰:۰۰ گچه برق‌لری یوق و برق‌سیزلیک اولرنی جدی قیینچیلیکلریدن سنله‌دی.
اونینگ ایتیشیچه: «برق کیره‌ک بولگن وقتده یوق. توش دن کیین ساعت ۴:۰۰ دن کیچه ساعت ۱۰:۰۰ گچه هیچ برقی‌میز یوق، بیراق مردم اوخله‌گندن سونگ برق کیله‌دی. اسلام امیرلیگی مسئوللریدن بوتوغریده دقت قیلیش‌لرینی طلب قیله‌میز.»
بیزلرنینگ فیسبوک صحیفه‌میزگه باش اورینگ!
کابل شهری کسبه‌کارلریدن وسیم احمد نینگ ایتیشیچه، برق‌سیزلیک باعث کسبه‌کارلر زیان کورگن و اولر ایرته‌لب دن عصر گچه جنراتوردن قوللنیش گه مجبورلر.
اونینگ کوپه‌یتیریشیچه: «جنراتورنی ایرته‌لب دن عصرگچه یاقه‌میز، ساعت ۷:۰۰ دن کیین برق کیته‌دی. اسلام امیرلیگی دن اهالی نینگ بو قیینچیلیگی خصوصیده دقت قیلیش‌لرینی سوره‌یمیز.»
عین‌حالده اوتمیش ییل‌لرده اوشبو وقتده یشاوچیلر، برق پرچاوی‌لیگیدن شکایت قیلیب و برشنا شرکتی نی بی فرق‌لیککه متهم قیلر ایدیلر.
کابل یشاوچیلریدن فیض‌محمد گه کوره، برق‌سیزلیک اولرنی ایریم قیینچیلیکلر بیلن روپه‌ره قیلگن.
اونینگ کوپه‌یتیریشیچه: «برق یوق و قیینچیلیککه قالگن‌میز و بیر ورق نی چاپ قیلیش اوچون سرگردان میز. اسلام امیرلیگیدن برق قیینچیلیگی توغریسیده دقت قیلیش‌لرینی طلب قیله‌میز.»
بیراق برشنا شرکتی، کابل برقی کیسیلیش سببینی، اوزبیکستان نینگ وارداتی برقی ده تخنیکی قینچیلیک تاپیلیشی عنوان قیلیب ایتیشیچه، قیینچیلیک حلی مقصدیده سعی و حرکت قیلماقده‌لر.
عین‌حالده، کابل شهری یشاوچیلریدن سید ایشان، اسلام امیرلیگیدن برق کیسیلیش قیینچیلیگینی حل قیلیشینی سوره‌یدی.
بیزلرنینگ توییترده هم تعقیب قیلینگ!
اونگه کوره: «برق یوق‌لیگی باعث برچه عایله اعضالری شاوقین قیلیشه‌دی، کابل شهری دن برق یوقالگن. اسلام امیرلیگیدن برق پرچاوی‌لیگینی کمه‌یتیریب و قیینچلیکلر حلی خصوصیده دقت قیلیش‌لرینی ایسته‌یمیز.»
ایتیش کیره‌ک که، کابل شهری ده برق کیسیلیشی پایتخت یشاوچیلری و کسبه کارلرنی تورلی خیل قیینچلیکلر بیلن دوچ قیلیب و اولر نینگ ایشلری اوستیگه سلبی تأثیر قیلگن.