کابل یشاوچیلری برق پرچاوی‌‌لری کوپه‌یگنیدن شکایت قیله‌دیلر

کابل شهری نینگ تورلی ناحیه یشاوچیلریدن قطاری، سونگی کونلر برق پرچاوی‌لری کوپه‌یگنی‌دن شکایت قیلیب و ایتیشلریچه، کوپینچه کیچه‌لرنی برق‌سیز اوتکزه‌دیلر.

کابل شهری دشت‌برچی منطقه یشاوچیلریدن فاطمه نینگ ایتیشیچه، سونگی کونلر هوا حرارتی نینگ کمه‌یشی بیلن، برق پرچاوی‌لری هم کوپه‌یگن. اونینگ کوپه‌یتیریشیچه: «برق‌سیزلیک کوپینچه قیین‌چیلیک یره‌تگن؛ برچه برقی اوسکونه‌لر برق گه  نیاز بار، برق بیر کیچه بار و بیر کیچه یوق. کون تامان اصلا برقی‌میز یوق. برق قیین‌چیلیگی نینگ حل بولیشینی ایسته‌یمیز.»

بیزلرنینگ «ایکس» ترماغی ده هم تعقیب قیلینگ!

کابل شهری دشت‌برچی یشاوچیلریدن باشقه بیری نوریه نینگ ایتیشیچه: «کون تامانیدن ساعت‌لرچه و کیچه تامانیدن ایسه کوپینچه وقت برقی‌میز یوق؛ حتا آزیق-آوقت نی قرانغوده ییه‌میز؛ بو قیین‌چیلیک قیش‌ده ایکی برابر بوله‌دی.»

شونینگدیک کابل شهری شاه‌شهید منطقه یشاوچیسی طوبا، برق پرچاوی‌سی کوپه‌یگنیدن شکایت قیلیب و ایتیشیچه، بو وضعیت اولر نینگ کونده‌لیک ایشلرینی قیین‌چیلیک بیلن روپه‌ره قیلگن. «قیش، کوز و هوا نینگ ساووق بولیشی بیلن برق‌سیزلیک هم کوپه‌یه‌دی، جتا ساعت‌لرچه برقی‌میز یوق. قرانغو‌ده‌میز؛ کیچه‌لر برقی‌میز یوق.»

بیزلرنینگ فیسبوک صحیفه‌میزگه باش اورینگ!

شونده‌ی بیرحالده، سوو و برق وزیرلیگی سوزلاوچیسی مطیع‌الله عابد نینگ ایتیشیچه، مذکور وزیرلیک سونگی اوچ ییل‌ده انرژی تامین‌لنیشی اینیقسه برق ایشلب چیقریلیشی اوچون، ایچکی منبع‌لر توغریسیده بویوک سرمایه یاتقیزیشلرنی قولگه آلگن. «انرژی ایشلب چیقریش بولیمی‌‌ده بویوک توغانلر توغریسیده بویوک پلان‌لرنی باشله‌گن‌میز، جمله‌دن شاه‌ و عروس توغانی که ۱.۲ مگاوات برق ایشلب چیقریش امکانیتی گه ایگه دیر. زابل ده عمری برق توغانی بار که ۷ مگاوات برق ایشلب چیقریش امکانیتی گه ایگه دیر؛ کمال‌خان توغانی ۹ مگاوات برق ایشلب چیقریش گه ایگه دیر.»

افغانستان برق انرژینی تامین‌لش اوچون واردات گه تیگیشلی بولیب و افغانستان برق ییتکزیش عمومی ترماغی‌ده‌گی موجود ۷۰‌ فایزدن آرتیق برق، تاجیکستان، اوزبیکستان، تورکمنستان و ایران دن وارد بوله‌دی.

کابل یشاوچیلریدن قطاری برق پرچاوی‌لری کوپه‌یگنی‌دن شکایت قیله‌دیلر

کابل شهری یشاوچیلریدن قطاری نینگ ایتیشلریچه، هوا نینگ ایسیق بولیشی بیلن بیرگه برق پرچاوی‌لری کوپه‌یب و بیر کیچه‌وکوندوزده کوپینچه پیت نیازلری بولگن برق‌دن فایده‌لنه آلمه‌یدیلر.

کابل شهری ۱۰-ناحیه یشاوچیسی بولمیش عبدالحمید نینگ ایتیشیچه، بیر کیچه‌و‌کوندوزده اون‌ ساعت‌دن کوپراق برق‌دن فایده‌لنه آلمه‌یدیلر. اونینگ کوپه‌یتیریشیچه: «برق نینگ کیلیب کیتیشی هیچ بیللی ایمس؛ کیچه ساعت سکیزدن ایرتنگ ساعت تورت‌‌گچه کیته‌دی یا هم شام‌دن کیین برق کیتسه کیچه اون بجه کیله‌دی.»

بیزلرنینگ فیسبوک صحیفه‌میزگه باش اورینگ!

شونینگدیک کابل شهری نینگ ۱۳-ناحیه یشاوچیسی خلیل نینگ ایتیشیچه، بیر کیچه‌دن کیین برق‌دن فایده‌لنه‌ آلمه‌یدیلر. اونینگ کوپه‌یتیریشیچه: «۱۳-ناحیه‌ده برق پرچاوی‌سی کوپه‌یگن؛ بیر کیچه برق بار و بیر کیچه یوق؛ کیچه باشی‌دن ۹ بجه‌گچه برق کیته‌دی؛ بیزلرگه ییترلیچه برق ییتیشیشی نی ایسته‌یمیز.»

کابل شهری مکروریان یشاوچیسی و تیکووچیلیک قیله‌دیگن موسا نینگ ایتیشیچه، برق پرچاوی‌سی، ایشی خصوصیده سلبی تاثیر قویگن. اونینگ کوپه‌یتیریشیچه: «برق گه جوده‌یم نیازیمیز بار؛ برشنا شرکتی‌دن بیزلر گه نیاز بولگن برق نینگ تامین‌لنیشی نی ایسته‌یمیز.»

عین حالده، افغانستان برق ییتکزیش شرکتی (برشنا) مسئوللری نینگ ایتیشلریچه، کابل یشاوچیلری تامانیدن برق‌ نینگ حد‌دن تشقری قوللنیلیشی سبب، برق پرچاوی‌لری نینگ کوپه‌یتیرگنلر.

برشنا سوزلاوچیسی حکمت‌الله میوندی نینگ ایتیشیچه، برق پرچاوی‌لری دایمی ایمس و بو قیین‌چیلیک حلی بیلن پایتخت‌ده برق ییتکزیش پروسه‌سی نینگ عادی حالت گه قیتیشی ممکن. اونینگ کوپه‌یتیریشیچه: «کابل ده برق قوللنیلیشی کوپه‌یگن و بیزلر قیین‌چیلیک یره‌تیلمسلیگی اوچون بو پرچاوی‌نی یره‌ته‌میز که بو پرچاوی قیقسه مدت‌لی دیر  قیته برق ییتکزیش پروسه‌سی عادی حالت گه قیتیشی ممکن.»

بیزلرنینگ «ایکس» ترماغی ده هم تعقیب قیلینگ!

برق کم‌لیگی و دایم برق‌دن فایده‌لنه آلمسلیک، افغانستان یشاوچیلری نینگ دایمی قیین‌چیلیگی دیر. برشنا شرکتی تامانیدن ارائه بولگن معلومات اساسیده، افغانستان یشاوچیلریدن یالغیز ۳۸ فایزی برق‌دن فایده‌لنه آله‌دی.

افغانستان برق ییتکزیش شرکتی مسئوللری نینگ ایتیشلریچه، برق پرچاوی‌سی نینگ اساسی شکلده حل قیلیش اوچون استراتیژیک بیر پلان تیار قیلگنلر که اونینگ کیله‌سی بیش ییل‌ده عمل گه آشیریلیشی بیلن، ایچکی سوو منبع‌لریدن ۱۰۰۰ میگاوات برق نینگ تامین‌لنیشی ممکن.