ایکینچیلیک، سووغاریش و چاروه‌چیلیک وزیرلیگی اوتگن کون (شنبه، ۱۶-سرطان)، بیش ییل‌لیک بدیل ایکین طرحی نینگ نهایی بولیشی مقصد، کابل ده بیر ییغین یولگه قوییگن.
اوشبو وزیرلیک مسئوللری نینگ ایتیشلریچه، مذکور طرح رواجلنتیریش اوچون بدیل ایکین پروژه‌سی عمل گه آشیریلیشی و کوکنار اورنیده بدیل ایکین خصوصیده ایکینچیلر نینگ تشویق قیلیش و قشاق‌لیک کمه‌یشی مقصد ایکینچیلر گه همکارلیک قیلیش‌دن عبارت دیر.
بیزلرنینگ فیسبوک صحیفه‌میزگه باش اورینگ!
بو توغریده ایکینچیلیک، سووغاریش و چاروه‌چیلیک وزیرلیگی سوزلاوچیسی مصباح‌الدین مستعین نینگ سلام‌وطندار گه ایتیشیچه: «اوشبو طرح‌ده ایکینچیلر گه بدیل ایکین رواجلنیشی و تانیشتیریلیشی و قشاق‌لیک کمه‌یشی و ایکینچیلر نی بدیل ایکین خصوصیده تشویق قیلیش اوچون ایکینچیلر بیلن اقتصادی همکارلیکدن عبارت دیر.»
شونده‌ی بیرحالده، ایکینچیلیک مسئله‌لری بوییچه ایش بیلرمانلردن قطاری نینگ ایتیشلریچه، اوشبو طرح نینگ عملگه آشیریلیشی بیلن مملکتده کوپراق بدیل ایکین رواجلنیش زمینه‌سی نینگ یره‌تیلیشی ممکن.
پروان ولایتی بیلیم یورتی نینگ ایکینچیلیک فاکولته‌سی استادی حکیم‌الله امینی نینگ ایتیشیچه، مذکور طرح مملکتده کوکنار اورنیده بدیل ایکین رواجلنیشی اوچون ایجابی تاثیری بولیشی ممکن.
امینی نینگ کوپه‌یتیریشیچه: «ولایت‌لر نینگ اقلیمی شرایطی مطالعه بولسین. خشخاش بدیل ایکینی قیسی شرایط‌ده یخشی نتیجه بیره‌دی و اوندن کیین بو طرح مملکتده خشخاش اورنیده بدیل ایکین رواجلنیشی اوچون ۶۰-۷۰ فایز ایجابی نتیجه بیره‌دی.»
بیزلرنینگ «ایکس» ترماغی ده هم تعقیب قیلینگ!
ایکینچیلیک مسئله‌لری بوییچه ایش بیلرمانلردن سیداحمد ملک‌زاده نینگ ایتیشیچه، مذکور طرح کوکنار اورنیده بدیل ایکین رواجلنیشی و تانیشتیریلیشی مقصد، فایده‌لی دیر. «بو طرح نینگ اوزیگه لایق یخشی‌لیکلری بار و افغانستان ده خشخاش اورنیده بدیل ایکین اوچون یخشی بیر گزینه بوله آله‌دی.»
ایتیش کیره‌ک که، بوندن آلدین ایچکی ایشلر وزیرلیگی قویاش جاری ییل نینگ باشلنگنی‌دن حاضرگچه مملکتده ۲۱مینگ ۷۴۳ هکتار ییر نینگ کوکناردن تازه‌لنگنی نی ایتگن ایدی.