افغانستان ایشلری بوییچه امریکا نینگ مخصوص نماینده‌سی توماس وست نینگ منطقه‌وی سفرلرینی باشله‌شیگه دایر امریکا قوشمه ایالت‌لری تشقی ایشلر وزیرلیگی نینگ اعلامیه‌سی سونگی کون‌لریده، جناب وست پاکستان گه ایکی کون‌لیک سفری و اوشبو مملکت تشقی ایشلر وزیرلیگی رسمی‌لری بیلن اوچره‌شگنیدن خبر بیره‌دی.
افغانستان ایشلری بوییچه امریکا نینگ مخصوص نماینده‌سی توماس وست، پاکستان رسمی‌لری بیلن اوتکزگن ملاقاتیده، افغانستان ده عیاللر وضعیتیدن خواطر بیلدیریب و دنیا همجمعیت دن عایله‌لر سرپرستی بولگن عیاللر نینگ احتیاج‌لرینی اولویت گه قرار بیریشینی طلب قیلگن.
جناب وست اوز توییتری ده یازیشیچه: «دنیا همجمعیت، افغانستان ده عایله‌لر سرپرستی بولگن عیاللر نینگ احتیاج‌لرینی اولویت گه قرار بیریشی کیره‌ک. اوی‌لریده محبوس بولگن خاتین قیزلر روحی استرس نی تجربه قیلماقده‌لر.»
بیزلرنینگ فیسبوک صحیفه‌میزگه باش اورینگ!
بیلیم یورت اوقیتووچیسی محبوب محق گه کوره، امریکا افغانستان ده دولت سازلیک پروسه ده مغلوب بولیشیدن کیین جهانی اعتبارینی قیته کوچه‌یتیریش مقصدیده سعی‌وحرکت قیلماقده دیر.
اونینگ سلام‌وطندار گه ایتیشیچه: «فکریمچه اسلام امیرلیگی تامانیدن خاتین قیزلر نینگ تحصیلی و ایش چیکلاولری گه دایر امریکا نینگ بیرینچی عکس‌العملی دیر. امریکا بو ایشی بیلن افغانستان ده دولت‌سازلیک پروسه ده مغلوب بولیشیدن کیین جهانی اعتبارینی قیته کوچه‌یترییش مقصدیده سعی‌وحرکت قیلماقده دیر.»
باشقه تاماندن، عیال حقوقی فعالی مسعوده کرخی نینگ ایتیشیچه، بو اوچره‌شوولر نمایشی دیر و افغان عیاللری نینگ قیینچیلیگینی حل قیلمه‌یدی.
اونگه کوره: «بو گَل سفرلر باشله‌نیشی بیلن عیاللر گه کوپراق چیکلاو یره‌تیله‌دی. بو سفرلر همه‌سی نمایشی دیر. امریکا و دنیا هیچ زمان آچ‌لیک بیلن روپهره بولگن ۳۵ میلیون انسان نینگ اویلمه‌گن، برچه عیاللر تیریک کومیلسه هم بولر اوز منفعت‌لری و ملی خوفسیزلیک‌لری تهدید بولمسلیگی اوچون تماشا قیله‌دیلر.»
بیلیم یورت اوقیتووچیسی و خلق‌ارا مسئله‌لر تدقیقاتچیسی سیدشفیق‌الله سادات نینگ ایتیشیچه، بو سفرلر و اوچره‌شوولر امریکا نینگ سیاستیده اورنی یوق و دیپلوماتیک تشریفات دیر.
سیدشفیق‌الله سادات نینگ کوپه‌یتیریشیچه: «وست نینگ سفرلری دیپلوماتیک تشریفات دیر و امریکا نینگ سیاست‌لری ده اورنی یوق. امریکا و پاکستان جدی اقدام قیلسه‌لر اسلام امیرلیگی نینگ قرارلرینی اوزگرتیریش گه قادر.»
بیزلرنینگ توییترده هم تعقیب قیلینگ!
شو بیلن بیرگه، اسلام امیرلیگی گه یقین فعال‌لردن سیدذکرالله هاشمی گه کوره، ملی منفعت و دینی مسئله‌لر اوچون اسلام امیرلیگی هیچ قنده‌ی باسیم گه باش ییگمه‌یدی و دنیا اسلام امیرلیگی بیلن تعامل قیلیش دن باشقه چاره‌سی یوق دیر.
اونینگ ایتیشیچه: «ملی منفعت و دینی مسئله‌لر اوچون اوشبو حکومت اوستیگه هیچ قنده‌ی باسیم تأثیر قیلمه‌یدی. امریکا بونی اوتگن ۲۰ ییل ده تجربه قیلگن. دنیا اسلام امیرلیگی بیلن تعامل قیلیش دن باشقه چاره‌سی یوق دیر.»
ایتیش کیره‌ک که، افغانستان گه بیرلشگن ملت‌لر تشکیلاتی هیئتی نینگ سفری نتیجه‌سیز یکونلنیب و بو گَل ییغیلیش‌لر گه دایر امیدوارلیکلر کمه‌یگن بیرحالده، تام وست منطقه‌وی سفرلرینی باشله‌گن.