غزنی یشاوچیلریدن قطاری نینگ ایتیشلریچه، اوشبو ولایت ولایتی کسل‌خانه‌سی نینگ باله‌لر بولیمیده شفاکار و امکانیت آزلیگی، اولرنی کوپینچه قیین‌چیلیک بیلن روپه‌ره قیلگن. اولر نینگ اورغولشیچه، بعضاً کسل‌لری نینگ دوالنیشی اوچون خصوصی کلینیک‌لرگه باریش گه مجبورلر.
غزنی ولایتی کسل‌خانه‌سی گه بارگن کسل‌دارلردن محمداکرم، شفاکار آزلیگی و درمانی خذمتلر سطحی قویی‌لیگی‌دن شکایت قیله‌دی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «کسل‌لر سانی کوپ؛ حاضر ایسه اوغلیم نی کیلتیرگن‌مین؛ متخصص شفاکار بیزلر گه ملکی کسل‌خانه گه آلیب باریشیمیز اوچون خط بیردی و بستر قیلینگلر دیدی. بیله‌میز که بو ییرده کسل‌لر سانی کوپ و شفاکار سانی نینگ کوپ بولیشی کیره‌ک. کسلی‌میز آلتی آی‌لیک؛ حاضرگچه بستر قیلمه‌گن‌میز.»
کسل‌دارلردن باشقه بیری بینظیر، اوشبو کسل‌خانه‌ده باله‌لر اوچون درمانی خذمتلر صفتی قویی‌لیگی‌دن شکایت قیلیب و تاکید قیلیشیچه، بعضاً خصوصی بولیم گه مراجعت قیلیش گه مجبورلر.
اوشبو غزنی یشاوچیسی نینگ ایتیشیچه: «حاضرگچه نوبت هم ییتیشمه‌گن، بیرته شفاکار بار و برچه کسل بیر شفاکار آرقه‌لی معاینه بوله‌دی. بیریله‌دیگن دارو‌لر، مثلا بیر رقم دارو دیر. اهالی هم قوللنیش گه مجبور دیر و شونینگدیک کوپ عاجل بولگن کسل‌لر نینگ شخصی کلینیک‌لر گه آلیب باریش گه مجبورلر.»
شونده‌ی بیرحالده، غزنی ولایتی کسل‌خانه باشلیغی نیازمحمد نوری، مذکور کسل‌خانه نینگ باله‌لر بولیمیده شفاکار کم‌لیگی نی تصدیق‌لب، بیراق ایتیشیچه، بو کسل‌خانه نینگ باله‌لر بولیمی گه شفاکار آلیش اوچون سعی‌وحرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
نوری نینگ کوپه‌یتیریشیچه: «ایکی آی بوله‌دی که جک اکمالات موسسه‌سی کسل‌خانه نی تسلیم آلگن؛ بوندن آلیدن ادا موسسه‌سی کسل‌خانه نی تمویل قیله‌ر ایدی. انه شوو موسسه نینگ تبدیل بولیشی اوزی بیر قیین‌چیلیک دیر. باله‌لر بولیمی‌دن ایکی شفاکار اکمال سیناوی گه کامیاب بولدی و کیتدیلر. ایکی آی بوله‌دی که اولر نینگ ییرلری بوش قالگن. بیر شفاکاریمیز عاجل یا-ده جراجی بولیمی‌دن تخصص گه کامیاب بولدی. شو کونلر جک موسسه‌سی بیش کیشی نی بیزلر گه یوبارگن. بیشینچی شفاکار گه اوزلرینگیز شاهد ایدینگیزلر که عملی و رسمی شکلده ایش گه آلدیک.»
ستندرد درمانی خذمتلر نی ارائه قیلیش اچون قیین‌چیلیکلر بارلیگی و شفاکار آزلیگی، یشاوچیلر نینگ روپه‌ره بولگن اینگ جدی قیین‌چیلیک‌لردن دیر و بو ایش خصوصی کلینیک‌لر گه مراجعت قیله‌دیگنلر سانی نینگ کوپه‌یشی گه سبب بولگن.