بدخشان ده تیمیرچیلر و نجارلردن قطاری نینگ ایتیشلریچه، اوشبو ولایت‌ده تیمیرچیلیک و نجارلیک صناعتی کسادلیککه یوز توتگن.
تیمیرچیلیک نی آته‌سیدن اورگنیب و بو بولیم‌ده ۱۰ ییل‌لیک تجربه گه ایگه بولگن حسن‌الله نینگ ایتیشیچه، اوتگن ییل‌لر گه قره‌گنده سونگی آی‌لرده ایش و درآمد میزانی ۵۰ فایز کمهیگن. اونگه کوره: «ولا کوپ تغییر کیلگن، اوتگن ییل‌لرده ایش کوپ ایدی و ساتیب-آلیش کوپ ایدی. حاضر ایسه کوپ کمهیگن قریب ۵۰ فایز کمهیگن.»
شونینگدیک بدخشان دهگی تیمیرچیلردن باشقه بیری رستم نینگ ایتیشیچه، مملکتلردن شونگه اوخشش توارلر وارد بولینیشی و تیمیردن توزه‌لگن اوسکونه‌لر خصوصیده اوشبو ولایت یشاوچیلری نینگ قیزیقیشی کمه‌یگنی، اولر نینگ ایشی کمه‌یگنی گه سبب بولگن. «اوتگنلر گه قره‌گنده ایشیمیز کمهیگن. پاکستان یا-ده باشقه مملکتلردن بیل، کلند و باشقه نرسه‌لر وارد بوله‌دی. شو رقم بدخشان ده اهالی اوراق نی تیز قیلیش یا-ده بالته آلیش گه کوچی ییتیشمه‌یدی. ایشیمیز اوتگن ییل‌لر گه قره‌گنده کمهیگن.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، بدخشان دهگی نجارلردن قطاری ایش بازارلری کسادلیککه یوز توتگنی‌دن خواطر بیلدیریب و ایتیشلریچه، اوشبو ولایت‌ده نجارلیک صناعتی گه توجه بولمه‌گنی صورت‌ده، بو صناعت نینگ کوپراق تاثیر‌لنیشی ممکن.
بدخشان دهگی نجارلردن صیاد نینگ ایتیشیچه، مذکور ولایت یشاوچیلری اقتصادی امکانیتی کمه‌یگنی سبب اولر نینگ ایشلری هم کمهیگن. «سونگی کونلر ایش وضعیتی یخشی ایمس، چونکه اهالی اقتصادی ضعیف دیر. باشقه کوچلری ییتیشمه‌یدی. نیچه ییل آلدین اهالی نینگ اقتصادی وضعیتی یخشی ایدی و کوچلری ییتیشه‌ر ایدی. حاضر ایسه ایش بازاری یخشی ایمس و انه شوو سبب ایشیمیز ضعیف بولگن.»
نجارلردن باشقه بیری ضیا‌الله نینگ ایتیشیچه، نجارلر اوچون نیاز بولگن ماده‌لر بهاسی یوقاریلیگی، اولر نینگ ایش میزانی بیلن درآمدلری نینگ کمه‌یتیرگن. اونینگ کوپه‌یتیریشیچه: «جمهوریت توزومی‌ده ۱۸-۱۸ بیر یاغاچ نی ۳۷۰۰ گه ساتیب آله‌ر ایدیک؛ حاضر ایسه ۵۴۰۰-۵۵۰۰ بولگن. ینه هم بیران کیشی کیله‌دی. بیر کلکین بیزلر گه آلتی مینگ توشه‌دی. او کیشی گه آلتی یریم مینگ دیگنیمیزده توزتمه‌یدی یا-ده کوچی ییتیشمه‌یدی.»
مذکور صناعتچیلر بدخشان صناعت و سوداگرلیک ریاستی‌دن تیمیرچیلیک و نجارلیک صناعتی نینگ قیته رواجلنیشی اوچون، جدی اقدام قیلیب و صناعتچیلردن حمایت قیلیشلری نی ایسته‌گنلر.
بدخشان صناعت و سوداگرلیک ریاستی نینگ تدبیرکارلیک ایشلری بوییچه عمومی مدیری ثمرالدین رحمانی نینگ ایتیشیچه، مذکور ریاست قدیمی صناعت سقلنیشی اوچون ایشلب و صناعتچیلرنی قوللب-قوتله‌یدی.
اونینگ کوپه‌یتیریشیچه: «پالیسی و پلان‌لریمیز‌دن بیری شو رقم تیمیرچیلیک، مس‌گرلیک، زرگرلیک و باشقه بولیم‌لر کبی قدیمی تاریخ گه ایگه بولگن و اونوتیلگن صناعتلر نینگ قیته رواجلنیشی دیر. اولکه‌میزه توزه‌تیله‌دیگن نرسه‌لرنی باشقه تشقی مملکتلردن کیلتیرمه‌یلیک.»
بیزلرنینگ فیسبوک صحیفه‌میزگه باش اورینگ!
تیمیرچیلیک و نجارلیک قدیمی صناعت دیر که بیر قطار ولایت‌لرده تیمیرچیلر و نجارلر بو بولیم‌ده ایش بیلن شغللنیب، تیمیر و یاغاچ‌دن قوللنیش بیلن ایکینچیلیک و اوی وسیله‌لری اوچون نیاز بولگن اوسکونه‌لرنی توزته‌دیلر، بیراق سونگی ییل‌لر تورلی سبب‌لر اوچون بو صناعت بازاری کسادلیککه یوز توتگن.
ایتیش کیره‌ک که، بدخشان مملکت نینگ قدیمی ولایت‌لریدن بیری حساب‌لنیب و مذکور ولایت یشاوچیلری اوتگن ییل‌لردن حاضرگچه تیمیرچیلیک، نجارلیک، مس‌گرلیک، زرگرلیک و بوت دوزلیک کبی قدیمی صناعتلر بیلن شغللنگنلر که سونگی ییل‌لر اولر نینگ بازاری کسادلیککه یوز توتگن.
