ایش اداره‌سی عمومی ریاستی نینگ اداری اصلاحات و ملکی خذمت‌لر اداره‌سی، ایکینیچلیک، سوغاریش و چاروه‌چیلیک وزیرلیگی بیلن، چهارشنبه کونی، ۱۷ جوزا، مذکور وزیرلیک نینگ اداری ایشلرینی قولی‌لشتیریش مقصدیده کیلیشونامه امضاله‌گنلر.
ایش اداره‌سی عمومی ریاستی نینگ اداری اصلاحات و ملکی خذمت‌لر اداره‌سی مسئوللری نینگ ایتیشلریچه، مذکور اداره نینگ ایشلرنی قولی‌لشتیریش ریاستی اوتگن ییلی تورت وزارت ده ۳۶۶ ایش جریانینی قولی‌لشتیرگن و اوشبو ییل یکونی گه قدر، باشقه اوچ وزیرلیک نینگ ایش جریانینی قولی‌لشتیریشی ممکن.
بیزلرنینگ فیسبوک صحیفه‌میزگه باش اورینگ!
اداری اصلاحات و ملکی خذمت‌لر اداره‌سی باشلیغی عبدالحنان عارف‌الله گه کوره: «اوتگن ۱۳ ییل ده، ۱۷۶ ایش جریانی قولی‌لشتیریلگن و ۱۴۰۱-ییل دن ۱۴۰۲-ییل گه قدر ۳۰۴ ایش جریانی قولی‌لشتیریلگن؛ عین‌حالده، اولر نینگ امکانیتی ییردن-آسمان قدر فرقلی دیر؛ بیراق ایشلاوچیلریمیز نینگ صادق‌لیک بیلن ایشلش‌لریدن ایشانچ بیره‌میز. اولردن ایشلری گه کوپراق صادق بولیش‌لرینی ایسته‌یمیز.»
باشقه تاماندن، ایکینچیلیک، سوغاریش و چاروه‌چیلیک وزیرلیگی سرپرستی عطاءالله عمری، اولکه یشاوچیلری گه قولی خذمت کورسه‌تیش و تینیق‌لیک اوچون اوشبو کیلیشونامه امضالنیشینی مهم عنوان قیله‌دی.
ایکینچیلیک وزیرلیگی سرپرستی نینگ ایتیشیچه: «ایکینچیلیک وزیرلیگی نینگ تورلی بولیم‌لری اصلاحات و ایشلری قولی‌لشتیریش گه نیاز دیر. بیز بو بولیم‌لرنی اصلاح قیلمه‌گن حالده فساد گه سبب بوله‌دی. بیز ایش‌لر قولی‌لشتیریش جریانینی خوش قرشی له‌یمیز.»
بیزلرنینگ توییترده هم تعقیب قیلینگ!
عین‌حالده، ملکی خذمت‌لر اداری ایشلرنی قولی‌لشتیریش باشلیغی بریالی ابدالی گه کوره، اوشبو کیلیشوونامه‌لر امضالنیشیدن اصلی مقصد؛ مراجعتچیلر اوچون قولی‌لیک یره‌تیش، یخشی خذمت کورسه‌تیش و اداره‌لرده اداری فساد گه چیک قوییش دیر.
او نینگ کوپه‌یتیریشیچه: «ایشلرنی قولی‌لشتیریش جریانی واقعی شکلده عملگه آشیریلگن تقدیرده، اداره‌لرده فساد و بروکراسی گه چیک قوییله‌دی.»
شونینگدیک، اداری اصلاحات و ملکی خذمت‌لر اداره‌سی گه کوره، دولت برچه اداره‌لری نینگ ایشلرینی قولی‌لشتیریش گه قرار قیلگنلر؛ بیراق دستلب مراجعتچیلری کوپ بولیب و دولت نینگ درآمدلرینی تأمینله‌یدیگن اداره‌لرنی اوستون قرار بیرگنلر.
