لوگر ولایتی محمد‌آغه تومنی یشاوچیسی بولمیش هجرت‌الله، اوچ جریب ییری گه بوغدای ایککن. اونینگ سلام‌وطندار گه ایتیشیچه، مذکور تومن ایکینچیلری و باغ‌دارلریدن کوپینچه‌سی حاضر ایسه ایکیش خصوصیده سوو کم‌لیگی بیلن روپه‌ره‌لر.
اونینگ کوپه‌یتیریشیچه، «سرخآب» توغانی نینگ قیته قوریلیشی بیلن ایکینچیلیک ییرلر کوپه‌یب و ایکینچیلر ایکین اوچون ییترلی سوودن فایده‌لنیشلری ممکن؛ بیراق مسئوللردن بو توغان نینگ قیته قوریلیش ایشی ستندرد شکلده یکونلنیشی اوچون، قیته قوریلیش خصوصیده کوپراق توجه قیلیشلری نی ایسته‌‌گن.
هجرت‌الله نینگ اورغولشیچه: «بو بیزلر گه یخشی بیر خبر دیر. مین ایکینچیلیک ییریم‌ده جواری، بوغدای و پیاز ایککن‌مین. بو توغان قوریلگنی صورت‌ده، ایکینچیلر کوپینچه سوودن فایده‌لنیب، محصوللر و میوه‌لر یخشی پیشه‌دی. کوپینچه سوودن فایده‌لنیب و یخشی درآمد قولگه کیلتیریشیمیز ممکن.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، ایکینچیلیک بوییچه ایش بیلرمانی محمدحلیم نینگ ایتیشیچه، سونگی قورق‌چیلیکلر مملکت نینگ تورلی ولایت‌لری جمله‌دن لوگر ده ایکینچیلر و باغ‌دارلر گه زیان ییتیشتیریب و بو کبی توغان‌لر نینگ قوریلیشی بیلن، ایکینچیلیک خصوصیده سوو کم‌لیگی قیینچیلیگی حل بولیشی ممکن.
اونینگ اورغولشیچه، مسئول دولتی اداره‌لر اهالی گه ییر آستی سوولر سطحی‌نی سقلش اوچون معلومات بیریب و تورلی‌خیل منطقه‌لرده ییر آستی سوولر سطحی کوپه‌یشی مقصد توغان‌لر، کیچیک و بویوک چک‌لرنی قوریشلری کیره‌ک.
اونینگ ایتیشیچه: «توغان قوریلیشی اساسی بیر ایش دیر. بو توغان نینگ قوریلگنی و ایکینچیلر گه سوو تامین‌لنگنی صورت‌ده، برچه ایکینچیلر و باغ‌دارلر یخشی حاصل قولگه کیلتیریشلری ممکن. اینانینگ که بو توغان قوریلگنی‌‌ده بو توغریده برچه یشاوچی اینیقسه محمد‌آغه تومنی ایکینچیلری و باغ‌دارلیر نینگ خورسند بولیشی ممکن.»
عین حالده، لوگر محلی رسمی‌لر نینگ ایتیشلریچه، سوو کم‌لیگی قیینچیلیگی نی حل قیلیش اوچون کیچیک و بویوک توغان‌لر نینگ قوریش بیلن سعی و حرکت قیله‌دیلر.
لوگر دینگیز فرعی حدودی نینگ مطبوعاتی مسئولی فضل الرحمان عمرزی نینگ سلام‌وطندار گه ایتیشیچه، اوشبو ولایت‌ده سرخآب و خروار توغانی قیته قوریش ایشی باشلنگن. جناب عمرزی گه کوره، اوشبو ولایت مرکزی پل‌علم و تومنلریده ۹ سوو ذخیره‌سی اوچون برنامه‌لری بار دیر.
اونینگ کوپه‌یتیریشیچه: «ییر آستی سوولر نینگ کنترول قیلیش اصلی ایشی‌میز دیر، ییر آستی سوو سطحی نی سقلش اوچون ایکی توغان خصوصیده ایش نی باشله‌گن‌میز که بیرته‌سی سرخآب و باشقه‌سی ایسه خروار سوو توغانی دیر. بو ایکی توغان ایشی یکونلنیشی بیلن ییر آستی سوولر سطحی کوپه‌یه‌دی. شونینگدیک بیر قطار منطقه‌لرده چک هم قوریگن‌میز.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، لوگر ایکینچیلیک، سوغاریش و چاروه‌چیلیک ریاستی نینگ مطبوعاتی مسئولی شاهد‌الله همراز نینگ سلام‌وطندار گه ایتیشیچه، سرخآب توغانی ایکینچیلیک و چاره‌چیلیک خصوصیده کوپینچه اهمیت گه ایگه دیر و اونینگ قیته قوریلیشی بیلن، مینگ‌لب جریب ییر ایکینچیلیک ییر گه اوزگره‌دی.
اونینگ کوپه‌یتیریشیچه، سرخآب توغانی قوریلیشی بیلن، ییر آستی سوولر کوپه‌یب و شونینگدیک قوروق کاریزلر و قودوق‌لر گه هم سوو ییتشیشی ممکن. «سرخآب توغانی محمد‌آغه تومنی‌ده جایلشگن، بو توغان ۱۷ جریب ییر‌ده قوریلگن، توغان نینگ اوزون‌لیگی ۱۵۰۰ متر و کینگ‌لیگی ۱۴۴ متر گه ییتیشه‌دی. بو توغان ۱۰ میلیون مترمکعب سوو نینگ ذخیره قیله‌دی و اون مینگ جریب ایکینچیلیک ییر نی سوغاریشی ممکن.»
ایتیش کیره‌ک که، خروار سوو توغانی هم ۳۱ میلیون افغانی خره‌جت بیلن سوو و برق وزیرلیگی آرقه‌لی کیله‌سی آلتی آی‌ده قیته قوریلیب و قریب ۳۰ مینگ جریب ییر نینگ سوغاریشی ممکن.
