بوگون کابل ده ایکینچیلیک، سوغاریش و چاروه‌چیلیک وزیرلیگی تامانیدن، اسلام امیرلیگی یوقاری مرتبه‌لی رسمی‌لری نینگ حضوری بیلن ایکینچیلیکنی رواجلنتیریش صندیغی نینگ «اسلامی مالیه‌وی محصولاتی» بولیمی آچیلدی.
اوشبو ییغیلیشده ایکینچیلیک وزیرلیگی سرپرستی نینگ ایتیشیچه، افغانستان سان_سناق‌سیز طبیعی منبع‌لر گه ایگه بولسه ده، بیراق ایکینچیلیک بولیمیده هیچ قنده‌ی یوتوغی یوق و ایکینچیلیکنی رواجلنتیریش اوچون اوشبو وزیرلیک نینگ سعی‌وحرکت‌لری ییترلی بولمه‌گن.
مذکور ییغیلیش ده ایکینچیلیک، سوغاریش و چاروه‌چیلیک وزیرلیگی نینگ سرپرستی عطاءالله عمری نینگ ایتیشیچه: «ایکینچیلیک بولیمیده هیچ قنده‌ی یوتوغی‌میز یوق، دهقان‌لریمیز نینگ زمانه‌وی امکانیت‌لری یوق و تأسف بیلن افغانستان خلقی آرتگه قالگن.»
شونینگدیک معلومات و مدنیت وزیرلیگی نینگ سرپرستی خیرالله خیرخواه گه کوره: «امیرالمؤمنین، باش وزیر و کابینه دن، باشقه نرسه‌لر گه نسبتن ایکینچیلیک، سوغاریش و چاروه‌چیلیک بولیمگه دقت قیلیش‌لرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
اسلام امیرلیگی رسمی‌لری، ایریم ساحه‌لر اینیقسه ایکینچیلیک بولیمیده سرمایه یاتقیزیلیشی اوستیگه تأکیدلب ایتیشلریچه، سرمایه یاتقیزووچیلر نینگ امنیتی تأمین ایتیلیشی و اولر گه قولی‌لیک یره‌تیشگه تیارلر.
اسلام امیرلیگی باش وزیرلیگی نینگ ایکینچی اورین باسری عبدالسلام حنفی نینگ کوپه‌یتیریشیچه: «حاضر برچه اداره‌لردن بروکراسینی یوق قیلیش، ملی و خلق‌ارا سوداگرلر گه قولی‌لیک یره‌تیش مقصدیده سعی‌وحرکت قیلماقده‌میز.»
شوکبی تشقی ایشلر وزیرلیگی نینگ سرپرستی امیرخان متقی نینگ ایتیشیچه: «ایلچیخانه‌لر اینیقسه قوشنی اولکه‌لردن، ایکینچیلیک بولیمی، محصولات گه بازار قیدیریش و باشقه نرسه‌لر گه قولی‌لیک یره‌تیش خصوصیده همکار بولیش‌لرینی ایسته‌یمیز.»
شونینگدیک اوشبو ییغیلیشده، افغانستان ده بیرلشگن ملت‌لر تشکیلاتی نینگ ییگولیک ماده و ایکینچیلیک اداره نماینده‌سی، افغانستان نینگ ایکینچیلیک بولیمی قوللب_قوتلنیشی اوستیگه تأکید ایتگن.
افغانستان ده مذکور اداره اورین باسری سیمبریتس چیزاری نینگ ایتیشیچه: «افغانستان ده ایکینچیلیک، اقتصاد نینگ مهم بیر بولیمی حسابلنه‌دی صفتلی محصولات ایشلب چیقریش ایکینچیلیک نینگ مهم بیر بولیمی دیر.»
بوگون ایکینچیلیکنی رواجلنتیریش صندیغی نینگ اسلامی مالیه‌وی محصولات بولیمی آچیلدی، دهقان‌لرنی قوللب_قوتلش مقصدیده هر ییلی هر بیر دهقان گه بیر میلیون افغانی گچه قرض بیریشی ممکن.
بیزلرنینگ توییترده هم تعقیب قیلینگ!
مرکزی بانک سرپرستی عبدالقهار ادریس گه کوره: «کیلیشوو و وکیل‌لیک اساسیده، حاضر اوشبو صندیغ کیچیک، اورته و متشبث‌لرنی قوللب_قوتله‌یدی. مذکور صندیغ کیله‌جککه جمعیت گه کوپراق یاردم بیریشی ممکن.»
شونینگدیک، ایکینچیلیکنی رواجلنتیریش صندیغ باشلیغی عبدالغفار غفوری نینگ ایتیشیچه: «ایکینچیلیکنی رواجلنتیریش صندیغی، زراعت بولیمیده قولی‌لیک یره‌تیش بیلن اقتصاد قوللب_قوتلنیشی اوچون فعال حصه قوشیب و دهقان‌لر بیلن تخنیکی همکارلیک قیله‌دی.»
ایتیش کیره‌ک که، ۲۰۱۰ ییل ده ایکینچیلیکنی رواجلنتیریش صندیغ قوریلیشیدن حاضرگچه، ۱۱ میلیارد افغانی دهقان‌لر گه قرض توزیع قیلینگن.