خلق‌ارا شفافیت تشکیلاتی نینگ ینگی گزارشی اساسیده، افغانستان دنیا بویلب ۷_فاسد مملکت تانیلگن. اوشبو تشکیلات نینگ گزارشی گه بناً، افغانستان انسان حقوق‌لرینی حمایه قیلیش، مدنی ایرکین‌لیک و فساد گه قرشی کوره‌ش ده ۱۶ امتیاز آلیش بیلن، دنیا بویلب ۷_فاسد مملکت تانیلگن.
دنمارک، فلند، و نیوزلند ۸۸ امتیاز آلیش بیلن اینگ تمیز مملکت‌لر رویخطی گه قرار آلگن؛ بیراق جنوبی سودان، سوریه، سومالی، ونزویلا، یمن، شمالی کوریا و افغانستان، فاسد مملکت‌لر اوله‌راق تانیلگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، سیاسی تحلیلچی و خلق‌ارا مناسبت‌لر ایشلری بوییچه ایش بیلرمان طارق فرهادی نینگ سلام‌وطندار گه ایتیشیچه، افغانستان ده قانون یوق‌لیگی باعث، بو مملکت دنیا بویلب اینگ فاسد اولکه‌لر رویخطی گه قرار آلگن. اونگه کوره: «بو ییل افغانستان نیمه اوچون فاسد مملکت‌لر رویخطی گه قرار آلدی، دلیلی بوکه افغانستان ده قانون یوق دیر. قانونی بولمه‌گن مملکتده در حقیقت سرمایه یاتقیزیلمه‌ی و تورلی خیل ایشلر بولیشی ممکن.»
عین‌حالده، سلام‌وطندار بیلن صحبت اوتکزگن سیاسی ایش بیلرمان‌لردن قطاری نینگ ایتیشلریچه، افغانستان ده اسلامی امارت حاکم بولسه ده، بیراق هیچ کیم و هیچ بیر گروه اوشبو مملکتده فسادنی آلدینی آلیش گه قادر بولمه‌گن.
ایش بیلرمان‌لر نینگ کوپه‌یتیریشیچه، اسلامی امارت فساد گه چیک قوییش نیتی بولسه، فساد گه قرشی کوره‌ش اوچون انیق بیر نهاد ایجاد ایتیشی کیره‌ک. ایش بیلرمان‌لر نینگ ایتیشلریچه، اسلامی امارت نینگ بیر ییل‌لیک ایشلریدن اهالی خبر بولیشی اوچون، اولر ییل‌لیک گزارشینی یشاوچیلر بیلن شریک قیلیشی لازم.
سیاسی ایش بیلرمان جبار اکبری نینگ ایتیشیچه: «اسلامی امارت نینگ افغانستان بویلب حاکم بولیشیدن بیر ییل اوتماقده، هیچ کیم و هیچ بیر گروه افغانستان ده فسادنی یوق ایته آلمه‌گنلیگیگه گواه میز. حتا کوردینگیزلر که نیچه کون آلدین اسلامی امارت سوزلاوچیسی دولت اداره‌لریده فساد بارلیگینی معلوم قیلدی.»
باشقه تاماندن، اسلامی امارت افغانستان گه عاید خلق‌ارا شفافیت تشکیلاتی نینگ گزارشینی کولگولی بیله‌دی.
سلام‌وطندار بیلن صحبت اوتکزگن اسلامی امارت سوزلاوچیسی نینگ اورین باسرلریدن بلال کریمی گه کوره، افغانستان ده اسلامی امارت حاکم بولیشیدن کیین فساد آلدی آلینیب و شفافیت میزانی یوقاری کیتگن. کریمی نینگ ایتیشیچه، دولت اداره‌لریده فساد گه دایر سند و حجت بولگن تقدیرده، اونگه قرشی اقدام قیله‌دیلر.
بیزلرنینگ توییترده هم تعقیب قیلینگ!
بلال کریمی گه کوره: «بوتوغریده قرار آلینگن بولسه، در حقیقت کولگولی و حقیقت دن اوزاق دیر. حقیقت بو که اسلامی امارت قدرت نی آلیشیدن کیین افغانستان تاریخیده شفافیت کوپه‌یگن و برچه اداره‌لرده، اوغیرلیک، پاره آلیش، زور، ظلم و غصب آلدی آلینگن.»
عین‌حالده، افغانستان ۲۰۲۰_ییل ده ۱۹ امتیاز آلیش بیلن دنیا بویلب ۱۶_فاسد مملکت تانیلگن ایدی که ۲۰۲۱_ ییل ده ۹ پله سقوط قیلیب، ۷_فاسد مملکت اوله‌راق تانیلگن.