جوزجان ولایتی قاچقینلر ریاستی مسئوللری، اوشبو ولایتده بیر اوقوو ایشخانه دن فارغ بولگن ۷۰ عیال گه ایش اوسکونه‌لری توزیع بولگنینی معلوم قیله‌دیلر.
جوزجان قاچقینلر ریاستی مسئوللری گه کوره، بو ریاست همکار موسسه‌لر نینگ یاردمی بیلن ۷۰ عیال گه ۲.۵ میلیون افغانی‌لیک ایش اوسکونه‌لرینی توزیع قیلگن.
بیزلرنینگ فیسبوک صحیفه‌میزگه باش اورینگ!
جوزجان قاچقینلر ریاستی نینگ قیتگنلر و قوشیش آمری عبدالولی مسافر، بو عیاللر گه تورت آی ایچیده تیکووچیلیک، گلدوزلیک و بیک‌تیکیش اورگه‌تیلگنینی اېته‌دی.
اونینگ کوپه‌یتیریشیچه: «ی
اردم بیریلگن اوسکونه‌لر تیکووچیلیک قول و برقی ماشین‌لر، چوکی بیلن ایش میزی، اوتو همده گلدوزلیک و بیک‌تیکیش اوچون نیاز بولگن نرسه‌لر دن عبارت دیر.»
جوزجان ولایتی قاچقینلر ریاستی مسئوللری، بو ایشلریدن مقصد عایله‌لر نینگ اقتصادی یخشی‌لنیشی و عیاللرنی ایش بیلن تأمینلش عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
مذکور ایشخانه دن فارغ بولگن عیاللردن بیرقطاری، جوزجان قاچقینلر ریاستی و همکار موسسه‌لر نینگ بو اقدامی دن منتدارلیک بیلدیریب، بوندن آلدین اولر تورلی قیینچیلیک بیلن روپه‌ره اېدیلر؛ بیراق ایش اورگه‌نیش و ایش اوسکونه‌لرینی قولگه کېریتیش بیلن عایله اعضالری نینگ اقتصادی یخشی‌لنیشی گه یاردم بیریش‌لری ممکن.
جوزجان ده قول صناعتی کونسه‌یین رواجلنماقده و مذکور ولایتده تیکووچیلیک، بیک‌تیکیش، قالین و گیلم توقیش اونلب ایشخانه عیاللر تامانیدن باشقریلماقده.
