سوو و برق وزیرلیگی مسئوللری نینگ ایتیشلریچه، اوشبو وزیرلیک بیر قطار شرطنامه‌لرنی امضالش بیلن، قطار ولایت‌لرده ۲۲۵ مگاوات سولری برق ایشلب چیقریش خصوصیده سعی‌وحرکت قیلماقده.
سوو و برق وزیرلیگی سوزلاوچیسی مطیع‌الله عابد نینگ ایتیشیچه، حاضر ایسه افغانستان ده ییل‌ده ۵۵ مگاوات سولری برق ایشلب چیقریله‌دی، بیراق بودجه تامین‌لنیشی بیلن بو امکانیت نینگ کوپه‌یشی ممکن. «افغانستان ده حاضر ایسه ۵۵ مگاوات سولری برق قندهار، هرات، کابل و باشقه ولایت‌لرده ایشلب چیقریله‌دی. افغانستان قطار ولایت‌لرده ۲۲۵ مگاوات سولری برق ایشلب چیقریش خصوصیده سعی‌وحرکت قیلماقده.»
بیزلرنینگ فیسبوک صحیفه‌میزگه باش اورینگ!
جناب عابد نینگ کوپه‌یتیریشیچه، مذکور وزیرلیک سونگی اقدامی‌ده ۱۰ مگاوات برق ایشلب چیقریش امکانیتی گه ایگه بولگن نغلو توغانی‌ده سولری برق ایشلب چیقریش لایحه‌سینی، مکمل شکلده فایده‌لنیش گه تاپشیرگن.
سوو و برق وزیرلیگی سوزلاوچیسی گه کوره: «خوشبختانه سوو و برق وزیرلیگی آرقه‌لی سولری برق ایشلب چیقریلیشی اوچون کوپینچه لایحه‌لرنی باشله‌گن‌میز و سونگی اقدام‌ده ۱۰ مگاوات برق ایشلب چیقریش امکانیتی گه ایگه بولگن نغلو توغانی‌ده سولری برق ایشلب چیقریش لایحه‌سی مکمل شکلده فایده‌لنیش گه تاپشیریلدی. بو وزیرلیک اوشبو بولیم‌ده بیر قطار شرکت‌لر بیلن شرطنامه‌لر نی هم امضاله‌گن.»
عین حالده، اقتصادی ایش بیلرمانلر نینگ ایتیشلریچه، افغانستان ییل‌ده ۳۰۰ دن آرتیق قویاشلی کونگه ایگه بولگنی بیلن، ۲۲۲ مینگ مگاوات سولری برق ایشلب چیقریلیش امکانیتی گه ایگه دیر.
بو توغریده اقتصادی ایش بیلرمانلریدن بیری ظهور مدبر نینگ ایتیشیچه: «افغانستان کوپینچه قویاشلی کون گه ایگه بولگنی اوچون بو توغریده بای دیر. قویاش‌دن ۲۲۰ مینگ مگاوات برق ایشلب چیقره آله‌دی. بو عمل گه آشیریلگنی‌ده افغانستان اقتصادی ترقیات گه ییتیشه‌دی، ایش زمینه‌سی کوپه‌یه‌دی و صناعت رواج‌لنه‌دی.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، سوو و برق وزیرلیگی سرپرستی اوتگن هفته جمعه کونی، چین ده یولگه قوییلگن بیر کنفرانس‌ده، افغانستان مملکت ایچیده ۳۱۰ مینگ مگاوات برق ایشلب چیقریش امکانیتی گه ایگه بولیب و بو آره‌ده ۲۰۰ مینگ‌دن آرتیق مگاواتی نی سولری برق‌دن قولگه کیلتیریشینی ایتگن.
حاضر ایسه مملکت ده موجود بولگن ۱۴۰۰ مگاوات برق‌دن یالغیز ۲۵ فایزی ایچکی منبع‌لردن ایشلب چیقریله‌دی.