پروان ده اجتماعی باشقه اونلب قیینچیلیککه علاوه، عقل دن آزگن ایت‌لر سانی کوپه‌یب عادی یشاوچیلر و اوقووچیلر گه هجومی، اوشبو ولایت یشاوچیلری نینگ خواطری گه سبب بولگن باشقه موردلردن دیر.
پروان ولایتی گلبهار تومنی یشاوچیلریدن ۲۶ یاشر حشمت‌الله و ۵۸ یاشر آقا گل نی، ینگی‌لیکده ایت قاپگن و واکسین قیلیش اوچون پروان ۱۰۰ بسترلیک تخصصی کسلخانه گه مراجعت قیلگن ایتیشلریچه، مسئوللر بوتوغریده دقت قیلمه‌گن حالده وضعیت کیسکین‌لشی ممکن.
گلبهار تومنی یشاوچیسی حشمت‌الله گه کوره: «کیچه قریب ساعت ۸:۳۰ اطرافی ده مینی ایت قاپدی، ایکیله ایاغیم آغریدی، منطقه‌میزده باشقه ایکی باله‌نی هم ایت قاپگن، ساغلیق‌نی سقلش ریاستی دن بو گَل واقعه‌لرنی آلدینی آلیشنی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک، گلبهار تومنی یشاوچیلریدن باشقه بیری آقا گل نینگ ایتیشیچه: «هجوم قیله‌دیگن ایت عقل دن آزگن بولیشی ممکن، شونی اوچون واکسین بولیشنی ایسته‌یمیز، عقل دن آزگن ایت‌لر یشاوچیلرنی بیزاوته قیلماقده، بوتوغریده تدبیر آلینیشینی طلب قیله‌میز.»
عین‌حالده، پروان ۱۰۰ بسترلیک مُلکی کسلخانه باش شفاکاری عبدالخلیل حیدری، ساغلیق‌نی سقلش، بلدیه، و اطراف_محیط نی اسره‌ش ریاست‌لریدن تنقید قیلیب ایتیشیچه، هر کونی ایت قاپگن تخمیناً ۲۰ کیشی اوشبو کسلخانه گه مراجعت قیله‌دیلر.
او نینگ معلوماتی اساسیده، سونگی ۱۴ آی ایچیده ایت قاپگن ۱۵۰۰ واقعه قید ایتیلگن.
پروان ۱۰۰ بسترلیک مُلکی کسلخانه باش شفاکاری نینک کوپه‌یتیریشیچه: «هر کونی واکسین آلیش اوچون تخمیناً ۲۰ کیشی مراجعت قیله‌دی، ایکی ییل دن بویان ایت قاپگن‌لر رقمی کوپه‌یگن، ساغلیق‌نی سقلش، اطراف_محیط نی اسره‌ش ریاست‌لری عقل دن آزگن ایت‌لر نینگ ییغیش اوچون چاره کوریش‌لری کیره‌ک.»
پروان ساغلیق‌نی سقلش ریاستی نینگ یشش محیط سلامت‌لیگی ایشلری بوییچه مسئولی نصرالله تیموری، اوشبو ولایت ده ایت قاپیش واقعه‌لری کوپه‌یگنینی تصدیقلب ایتیشیچه، اوتگن ییلی عقل دن آزگن ایت‌لرنی ییغیش کمپاینینی یولگه قویگن ایدیلر؛ بیراق اطراف_محیط اداره‌سی نینگ قرشی‌لیگی باعث اوشبو کمپاین توخته‌تیلگن.
ایش بیلرمان‌لر نینگ معلوماتی اساسیده، یشش محیط نی اسره‌ش و ایت قاپیش خوفینی آلدینی آلیش اوچون ایت‌لرنی یوق ایتیش اورنیده واکسین توزه‌تیش‌لری کیره‌ک.
پروان بیلیم یورتی یشش محیط دیپارتمنتی استادی عزیزآقا عزیزی نینگ ایتیشیچه: «یشاوچیلر نینگ آگاهی‌سیزلیگی و یشش اوی‌لرده ایت‌لر قنده‌ی اسره‌لیشی اوچون، ایکینچیلیک ریاستی ایت اسراوچیلر گه واکسین قیلیشنی جبری قیلیشی کیره‌ک.»
بیزلرنینگ توییترده هم تعقیب قیلینگ!
عین‌حالده، پروان اطراف_محیط ریاستی باشلیغی حفیظ‌الله منصور گه کوره، بلدیه، ساغلیق‌نی سقلش و ایکینچیلیک ریاستی نینگ حیوان‌لر سلامت‌لیگی بولیمی، پروان ده عقل دن آزگن ایت‌لرنی واکسین قیلیش جریانینی باشلش‌لری لازم؛ بیراق مذکور ولایت ایکینچیلیک ریاستی نینگ ایتیشیچه، امکانیت‌سیزلیک باعث واکسین قیلیش کمپاینینی یولگه قویه آلمه‌گنلر.
پروان ایکینچیلیک ریاستی نینگ حیوان‌لر سلامت‌لیگی کلینیک آمری محمدعارف عقیل نینگ سلام‌وطندار گه ایتیشیچه: «ایت‌لرنی ربی واکسین قیلیش بیز گه تیگیشلی دیر، ربی واکسینی اوتگن ییلی هم بیز گه یوباریلمه‌گن ایدی، بو ییل هم وزارت تامانیدن یوباریلمه‌گن.»
ایتیش کیره‌ک که، عقل دن آزگن ایت‌لر کوپه‌یشی، ایت قاپیش خطرلری آرتیشی گه قوشیمچه، خوفلی کسل‌لرنی انتقال بیریشی گه سبب بوله‌دی.
