اوزبیکستان پایتختی تاشکینت شهری ده، اکو منطقه‌وی تشکیلات تشقی ایشلر وزیرلری نینگ ۲۶نچی ییغیلیشی، افغانستان نماینده‌سی حضورسیزلیگی بیلن یولگه قوییلدی.
اکو، منطقه‌وی اقتصادی بیر تشکیلات دیر، منطقه اقتصادی رواجلنیشی و منطقه‌وی فرهنگ‌نی یقینلشتیریش مقصدیده ۱۹۸۵نچی ییلی قوریلدی و افغانستان، ۱۹۹۲نچی ییل ده عضویتینی کسب ایتدی.
بیزلرنینگ فیسبوک صحیفه‌میزگه باش اورینگ!
اوشبو ییل ده اکو تشقی ایشلر وزیرلری نینگ ییغیلیشی، افغانستان ده همه شمول حکومت شکللنیشی، افغانستان آرقه‌لی اوزبیکستان_پشاور تیمیر یولی قوریلیشی بحث گه آلینیشی کوتیله‌دی.
اسلام امیرلیگی اقتصاد وزیرلیگی نینگ سوزلاوچیسی عبدالرحمان حبیب گه کوره، سیاسی قیینچیلیک باعث افغانستان مذکور ییغیلیش گه چیقریلمه‌گن؛ اما مملکت ده اقتصادی پروژه‌لر تطبیق ایتیلیش زمینه‌سی یره‌تیلگن.
باشقه تاماندن، استراتیژیک مسئله‌لر ایش بیلرمانی شمشادعزیز کاظمی نینگ ایتیشیچه، بو کبی ییغیلیش‌لرده افغانستان چیقریلمسلیگی، مملکت نینگ بحرانی کوچه‌‌یشیگه سبب بوله‌دی.
باشقه تاماندن، خلق‌ارا اقتصادی ایش بیلرمان و بیلیم یورت اوقیتووچیسی بهمن یوسفی نینگ ایتیشیچه، اکو تشکیلاتی، اوشبو تشکیلات گه اعضا مملکت‌لر نینگ اقتصادی رواجلنیشی مقصدیده قوریلگن و بو تشکیلات گه افغانستان نینگ عضویتی و حضوری، مملکت اقتصادی اوستیگه تأثیری بولیشی ممکن.
بیزلرنینگ توییترده هم تعقیب قیلینگ!
شو بیلن بیرگه، خلق‌ارا سیاست تدقیقاتچیسی نظیراحمد رزاقی گه کوره، منطقه‌وی ییغیلیش‌لرده افغانستان چیقریلمسلیگی، حاضرگی حکومت نینگ تن آلینمسلیگیدن درک بیره‌دی.
جمهوریت توزومی قولشیدن کیین، مملکت اقتصادی تنزل گه یوز توتیب و اقتصادی ساحه‌لرده سرمایه یاتقیزیلیش نیاز بولگن بیر حالده، افغانستان اکو تشقی ایشلر وزیرلری نینگ ییغیلیشی گه چقریلمه‌گن.