پاکستان دن مملکت گه قیتگن قاچقین عایله‌لر دن بیرقطاری سلام‌وطندار بیلن اوتکزگن صحبت‌لری ده ایتیشلریچه، اولکه گه قیتیش پیتیده پاکستان پولیسی نینگ یامان یانده‌شووی و اوشبو مملکت دن جبر دن چیقریلیش‌لری باعث، باله‌لری نینگ میه‌سی گه سلبی تاثیر قیلگن.
پاکستان دن اولکه گه قیتگن عایله‌لر گه کوره، حاضر باله‌لری قورقیب و کیله‌جک‌لری دن خواطرده بولگن‌لری کبی، روحی قیینچیلیککه چلینگنلر.
اولر اسلام امیرلیگی دن، مملکت گه قیتیریلگن باله‌لر گه تعلیم زمینه‌سینی یره‌تیشنی سوره‌یدیلر.
اولکه گه قیتگن قاچقین بسم‌الله نینگ سلام‌وطندار گه ایتیشیچه: «باله‌لریمیزنی اوردیلر حتا آنه سوتی دن اجره‌لمه‌گن چقه‌لاق‌لرنی هم اوردیلر. دولت دن بوتوغریده تحقیق قیلیشینی ایسته‌یمیز. پاکستان اولر نینگ یورتی دیر طبیعی، بو ییر بیزنی یورتی‌میز دیر. او ییر گه مجبورلیک دن بارگن ایدیک.»
بیزلرنینگ فیسبوک صحیفه‌میزگه باش اورینگ!
مشتاق گه کوره: «اوندن خواطرده‌میز. او ییرده بیر آز درس اوقیگن ایدی، تعلیمی یریم قالدی. اسلام امیرلیگی دن باله‌لریمیز اوچون مکتب توزه‌تیب بیریشنی ایسته‌یمیز. باله‌لریمیز تعلیم دن اوزاق قالیش‌لری اوچون ییغله‌یدیلر.»
اولر گه کوره، قطار باله‌لر عایله‌لری دن اجره‌تیلیب و قیتیش چاغی ده لادرک بولگنلر.
پاکستان نینگ کویته شهری ده قاچقین اوله‌راق دینی تحصیل قیلگن ۱۵ یاشر احسان‌الله گه کوره، افغانستان گه قیتیریلگندن سونگ تحصیلاتی یریم قالیب و حاضر کیله‌جگیدن خواطر ده دیر.
او نینگ کوپه‌یتیریشیچه، اولکه گه قیتیش پیتیده پاکستان پولیسی اولر بیلن یامان یانده‌شگن شونی اوچون حاضر قورقیب و ناقولی‌لیک حس قیله‌دی.
احسان‌الله نینگ سلام‌وطندار گه ایتیشیچه، پاکستان پولیسی اولرنی شخصی یشش اوی‌لری دن جبر دن چیقرگن.
اونگه کوره: «او ییرده مدرسه بارر ایدیم تعلیم دن قالدیم. او ییر ده یشش اویی‌میز بار ایدی. برچه نرسه‌میز قالدی، بیز گه مدرسه توزه‌تیب بیریشنی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
قندهار ولایتی قاچقین‌لر ریاستی نینگ قیته اوی قوریش مسئولی نعمت‌الله الفت نینگ سلام‌وطندار گه ایتیشیچه، عایله‌لری دن اجره‌تیلیب و سرپرست‌سیز بولگن باله‌لر، باله‌لرنی تربیه‌لش مرکزلری گه تانیشتیریلگن و عایله‌لری گه تاپشیریلگونچه اولر دن مراقبت قیله‌دیلر.
او نینگ کوپه‌یتیریشیچه: «اولر نینگ تحصیلی اوچون یخشی محیط یره‌تیلگن، یتیم خانه‌لر بار، تعلیمی مرکزلر بار و بیر آز اوقیگنلر یخشی امکانیت و روحیه بیلن تعلیم‌لری گه دوام بیریش‌لری ممکن.»
بیرلشگن ملت‌لر تشکیلاتی، قطار نهادلر و بشر حقلری فعاللری، پاکستان دن قاچقین‌لر نینگ جبر دن چیقریش و اولر نینگ یامان یانده‌شوولرنی قاره له‌گنلر.
پاکستان سنا کینگشی ده تورلی حزب‌لر نینگ نماینده‌لری دولت دن، افغانستان‌لیک قاچقین‌لر نینگ جبر دن چیقریش جریانینی توخته‌تیشنی سوره‌گنلر.
اولر نینگ ایشانچی گه کوره، اوشبو مملکت نینگ وقتینچه‌لیک دولتی صلاحیت قانونی اساسیده قاچقین‌لر نینگ چیقریش گه حقی یوق و بو قرار کیله‌سی دولت گه تاپشیریلیشی کیره‌ک.