هوا اوزگریشلریدن افغانستان ایکینچیلیک سکتوری نینگ زیان کوریشی دوامی‌ده، قندوز ده دهقانلردن قطاری نینگ ایتیشلریچه، سوو تنقیص‌لیگی و اوسیم‌لیک آفتلری کوپه‌یگنی پخته حاصلاتی نی کمه‌یتیرگن.
قندوز ده دهقانلردن وحید‌الله نینگ ایتیشیچه، جاری ییل‌ده ۳.۵ جریب ییری گه پخته ایککن، بیراق قانیقرلی حاصلات قولگه کیلتیرمه‌گن. اونینگ کوپه‌یتیریشیچه: «بیر جریبدن قریب ۳۵ سیر پخته قولگه کیلتیرگن‌مین، اوتگن ییل گه قره‌گنده جاری ییل‌ده حاصللریمیز کم ایدی. هوا نینگ مناسب بولمه‌گنی سبب درست حاصل قولگه کیلتیره آلمه‌دیک.»
بیزلرنینگ فیسبوک صحیفه‌میزگه باش اورینگ!
قندوز ده دهقانلردن باشقه بیری مجیب‌الله نینگ ایتیشیچه، ایکین‌زار گه سوو نینگ ییتیشمسلیگی، چنگ-توپه‌لنگ و اوسیم‌لیک آفتلری کوپه‌یگنی، پخته حاصلاتی میزانی نی کمه‌یتیرگن. «اوتگن ییل هوا یخشی ایدی و یخشی حاصل قولگه کیلتیره‌ر ایدیک، جاری ییل‌ده بیردن یامغیر یاغر ایدی و بوران بولیدی که، انه شوو سبب ایکین‌زارلریمیز یخشی حاصل بیرمه‌دی.»
قندوز ده‌گی دهقانلردن و ییرلریدن کوپینچه‌سی نی پخته ایکینی گه اختصاص بیرگن جاوید ایتیشیچه، هوا اوزگریشلری گه علاوه، پخته ایکیلیشی نینگ ستندرد اسلوبلرینی بیلمسلیک هم حاصللری کمهیشی گه سبب بولگن. اونینگ کوپه‌یتیریشیچه: «ایکینچیلیک ریاستی‌دن پخته نینگ ستندرد شکلده ایکیلیشی خصوصیده بیزلر بیلن همکارلیک قیلیشلرینی ایسته‌یمیز. تعلیمی برنامه‌لرنی یولگه قویسینلر که یخشی حاصلات قولگه کیلتیره‌یلیک.»
قندوز ایکینچیلیک، چاروه‌چیلیک و سووغاریش ریاستی نینگ رواجلنتیریش عمومی مدیری فرید‌الله توتاخیل نینگ ایتیشیچه، هوا اوزگریشلریدن دهقانلر نینگ زیان کوریشی کمهیشی اوچون اولر گه ییترلیچه رهنمالیکلر بولگن. «بو ییل پخته حاصلاتی کمه‌یگن، هوا اوزگریشلری نینگ سلبی اثرلری کمهیشی خصوصیده دهقانلر گه رهنمالیک قیلدیک و اولر گه اوسیم‌لیک آفتلری گه قرشی کوره‌ش کبی موردلر خصوصیده ییترلی رهنمالیکلرنی بیرگن‌میز.»
توتاخیل گه کوره، جاری قویاش ییل‌ده قندوز ده تورت مینگ ۹۵۵ هکتار ییر گه پخته ایکیلیب و ۱۰ مینگ ۴۰۵ تُن‌دن آرتیق پخته قولگه کیلگن.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، ایکینچیلیک ایشلری بوییچه ایش بیلرمانلریدن قطاری نینگ ایتیشلریچه، دهقانلر گه تعلیمی برنامه‌لر و مصلحتلر نینگ ارائه بولگنی، اولر نینگ حاصلاتی کوپه‌یشی گه یاردم بیره آله‌دی.
ایکینچیلیک ایشلری بوییچه ایش بیرمانلر خلیل‌الله خلیق نینگ ایتیشیچه: «پخته حاصلاتی کوپه‌یشی اوچون ایکیش زمانی نی نظر گه آلیش کوپ مهم دیر، پخته ایکیلیشی‌ده بیر کون هم فرق کیلسه، حاصلات‌ده تغییر کیله‌دی. بو موضوع نینگ دهقانلر آرقه‌لی نظر گه آلینیشی کیره‌ک.»
پخته افغانستان نینگ اینگ اونملی ایکینچیلیک محصولاتی‌دن دیر که، اونینگ بیر بولیمی مملکت ایچیده مصرف بولیب و باشقه بیر بولیمی ایسه تشقی گه صادر بوله‌دی. اسلام امیرلیگی باش وزیری نینگ اقتصادی اورین‌باسرلیگی ۱۰ کون آلدین، افغانستان جاری میلادی ییل نینگ توقیز آیی‌ده (جنوری‌دن سپتمبر نینگ یکونی‌گچه)، ۱۶۲ میلیون دالر ارزشی گه پخته صادر قیلگن.
