ملی خوفسیزلیک مصلحتچیسی حمدالله محب نینگ ایتیشیچه، امریکالیک حربیلر افغانستان نی ترک قیلگن بیرحالده، افغانستان ایچکی اوروش تهدیدی بیلن روپه‌ره بوله‌دی.
جناب محب نینگ اورغولشیچه، افغانستان حکومتی اوروش و تینچلیک خصوصیده تیارگرلیک آلماقده و افغانستانده ایچکی اوروش گه توسیق بولیش اوچون جدی شکلده تلاش قیله‌دی.
جمهوررئیس اشرف غنی نینگ ملی خوفسیزلیک مصلحتچیسی، افغانستان امنیتی کوچلریدن امریکالیک حربیلر نینگ هوایی حمایتی نی اونملی دیب و افغانستان حکومتی تینچلیک سوزلشوولریده فرصت بیریش اوچون هر تامانلمه حرکت قیله‌دی.
شونینگدیک جمهور رئیس نینگ ملی خوفسیزلیک مصلحتچیسی، اهالی طالبان نینگ حاکمیتی گه تسلیم بولیش اوچون مذکور گروه کوتیب تورگنی نینگ عیبله‌گن.
امریکا جمهوررئیسی نینگ سابق ملی خوفسیزلیک مصلحتچیسی مک ماستر اوتگن هفته، دونالد ترامپ نینگ افغانستان خصوصیده‌گی سیاستیدن تنقید قیلیب و امریکا – طالبان آره‌سیده امضالنگن کیلیشونامه، امریکا نینگ ملی امنیتی نی تهدید بیلن روپه‌ره قیلیشی نی ایتگن ایدی.
جناب مک ماستر، ترامپ نینگ افغانستان خصوصیده‌گی سیاستی نی ناتوغری دیگن.
امریکا و طالبان آره‌سیده امضالنگن کیلیشونامه اساسیده، امریکالیک حربیلر افغانستان نی ترک قیله‌دی و طالبان هم ترورچی گروه‌لر بیلن علاقه‌سینی کیسیب و ترورچی گروه‌لر گه افغانستان توپراق‌لریدن امریکا گه قرشی استعمال قیلیشی گه رخصت بیرمه‌یدی.
افغانستانلیکلرارا سوزلشوولر دوحه شهریده باشلنگنیدن بیر آی اوتماقده، لیکن حکومت و طالبان گروهی نینگ هیأت‌لری حاضرگچه رسمی ییغین اوتکزیش اوچون کیلیشیشده موفق بولمه‌گن بیرحالده، اوشبو سوزلر بیان ایتیلگن.
طالبان گروهی نینگ سوزلاوچیسی محمد نعیم وردک بیر توییت یازیب ایتیشیچه، اوتگن کون ایکی تامان هیأت‌لری اوچره‌شیب و جنجللی موضوعلر خصوصیده سوزلشگن.
حکومت مذاکره‌چی هیأت اعضاسی رسول طالب نینگ ایتیشیچه، اوچ کون آلدین طالبان گروهی نینگ ایسته‌گی بیلن تماس گروه اعضالریگه اوزگریش‌لیک کیلگن و هر گروه اوچون ۳ اعضا تنلنگن و ینگی تماس گروه‌لری اوتگن کون شام چاغی بیرینچی ییغین نی اوتکزگن.