قندوز ولایتی یشاوچیسی بولمیش محمد نینگ ایتیشیچه، اوچ هفته آلدین ایناغه‌سی عایله اعضاسی بیلن ترافیکی بیر حادثه‌ده هلاک بولگن.
محمد ایچکی ایشلر وزیرلیگی نینگ ترافیک عمومی ریاستی مسئوللریدن، قتناو یوللرده ترافیکی حادثه‌لر کمه‌یشی اوچون سعی و حرکت قیلیشلری نی ایسته‌گن. اونینگ کوپه یتیریشیچه: «قیغو بیلن اوچ هفته آلدین ایناغه‌م، تورموش اورتاغی و باله‌سی بیلن قندوز نینگ امام صاحب تومنی‌ده ترافیکی حادثه عاقبتیده هلاک بولدیلر. ترافیک ریاستی‌دن ترافیکی حادثه‌لر کمه‌یشی خصوصیده سعی و حرکت قیلیشلری نی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
شونینگدیک بدخشان ولایتی یشاوچیسی بولمیش سیداکبر نینگ ایتیشیچه، ایناغه‌سی اوشبو ولایت‌ده هیداوچی ایکن و بیر آی آلدین سرک نینگ بوزوق‌لیگی سبب، ترافیکی بیر حادثه‌ده هلاک بولگن. «ایناغه‌م هیداوچی ایدی و بیر آی آلدین ترافیکی بیر حادثه عاقبتیده هلاک بولیب و اوشبو ترافیکی حادثه‌لر سببی، سرک‌لر بوزوق‌لیگی دیر.»
شونده‌ی بیرحالده، ایچکی ایشلر وزیرلیگی ترافیک عمومی ریاستی مسئوللری نینگ سلام‌وطندار گه ایتیشلریچه، قویاش جاری ییل نینگ باشی‌دن حاضرگچه، ۱ مینگ ۵۰۰دن آرتیق کیشی اولیب و ۴ مینگدن آرتیق کیشی یره‌لنگن.
ایچکی ایشلر وزیرلیگی ترافیک عمومی ریاستی نینگ پلان مدیری عبدالودود خیرخواه، قتناو یوللرده ترافیک علامت‌لری یوقلیگی، سرک‌لر بوزوق‌لیگی و مملکت نینگ شمال، جنوب و شرق قتناو یول‌لریده ترافیک بولیمی ایشلاوچیلری کم‌لیگی نی، ترافیکی حادثه‌لر گه سبب بوله‌دیگن اصلی عاملی عنوان قیلگن.
بیزلرنینگ فیسبوک صحیفه‌میزگه باش اورینگ!
جناب خیرخواه نینگ ایتیشیچه: «ییل نینگ باشی‌دن حاضرگچه مملکت بویلب ۳۰۴۵ ترافیکی حادثه یوز بیرگن که نتیجه‌ده، ۹۶۷ ایرکک، ۱۹۲ عیال و ۴۴۷ باله جان بیریب و باشقه ۴۶۵۳ کیشی یره‌لنگن.»
ایتیش کیره‌ک که، ایچکی ایشلر وزیرلیگی ترافیک عمومی ریاستی اوتگن قویاش ییل مملکت‌ده، ۲ مینگدن آرتیق ترافیکی حادثه نی ثبت قیلگن دیر.