بلخ مرکزی مزارشریف شهری یشاوچیلریدن قطاری، اوشبو ولایت‌ده تاش کومیر نرخی نینگ کوپه‌یگنیدن شکایت قیلیب و ایتیش‌لریچه، بو ییل مذکور یانغین ماده نینگ نرخی اوتمیش ییل گه قره‌گنده ایکی برابر بولگن.
مزارشریف یشاوچیلریدن ایکی‌ته‌سی عبید و صفت‌الله نینگ سلام‌وطندار گه ایتیش‌لریچه، اهالی اقتصادی یخشی ایمس و بو ییل هوا نینگ تیزلیکده ساووق بولگنی سبب، اهالی قتیق قیش بیلن روپه‌ره بولیشی ممکن.
شونده‌ی بیرحالده، مزارشریف شهری‌ده کومیر ساته‌دیگنلردن سید‌شاه رضا و رحمت‌الله نینگ سلام‌وطندار گه ایتیش‌لریچه، وضع بولگن مالیه‌لر نرخی نینگ کوپه‌یگنی سبب، تاش کومیر کانی نینگ نرخی کوپه‌یگن دیر.
اولر نینگ کوپه‌یتیریش‌لریچه، بو ییل تاش‌کومیر ساتیش‌لری اوتمیش ییل‌لر گه قره‌گنده کمه‌یگن دیر.
سید‌شاه رضا گه کوره: «اسلام امیر‌لیگی مالیه‌لر نینگ کوپه‌یتیرگنی سبب، نرخ‌لر یوقاری کیتگن. بیر تُن تاش کومیر نینگ مالیه‌سی ۳۱۰۰ افغانی دیر.»
شونده‌ی بیرحالده، مزارشریف بلدیه‌سی قدرت‌الله طارق نینگ ایتیشیچه، بازار ده نرخ و نوا آزاد دیر؛ بیراق ینه هم مزارشریف بلدیه‌سی تاش کومیر بهاسی نینگ تنظیم قیلیش اوچون سعی و حرکت قیله‌دی.
عین حالده، اوتگن بیر ییل‌ده، ایش‌سیز نظیری کوریلمه‌گن درجه‌ده کوپه‌یگن و اوشبو موضوع مملکت‌ده قشاق‌لیک نادار‌لیککه سبب بولگن دیر.