اوتگن کون اسلام امیرلیگی اقتصاد وزیرلیگی، بیر مکتوب صادر قیلیب ایچکی و خارجی نادولتی مؤسسه‌لرده خاتین‌لر ایشینی توخته‌تدی. اسلام امیرلیگی نینگ اوشبو قراری، ایچکی و خلق‌ارا مناسبت‌لر گه روپه‌ره بولگن.
امریکا، افغانستانده‌گی مؤسسه‌لرده عیاللر ایشی توخته‌تیلیشی گه مناسبت بیلدیریب، بو قرارنی افغانستان خلقی اوچون هلاکتلی دیگن و اروپا اتفاقی ایسه، افغانستان گه بیریله‌دیگن انسان پرورلیک یاردم‌لر جریانی تیکشیریلیشی اوستیگه تأکید ایتگن.
شونینگدیک بوگون، اسلام امیرلیگی تشقی ایشلر وزیرلیگی نینگ سرپرستی امیرخان متقی، کابل ده سوزله‌گن نطقی ده، افغانستان گه خارجی اولکه‌لر نینگ باسیمی، اوشبو مملکت‌نی ثبات‌سیز قیله‌دی که هیچ بیر مملکت نینگ اونمیگه ایمس دیر.
بیزلرنینگ فیسبوک صحیفه‌میزگه باش اورینگ!
امیرخان متقی نینگ ایتیشیچه: «افغانستان گه باسیم‌لر کوچه‌یتیریلیشی، اوشبو مملکتده ثبات‌سیزلیکلر کوچه‌یشیگه سبب بوله‌دی که هیچ بیر مملکت نینگ اونمیگه ایمس دیر.»
باشقه تاماندن، بیلیم یورت اوقیتووچیسی و اقتصادی ایش بیلرمان بهمن یوسفی، خلق‌ارا نهادلر نینگ هشدارلری گه اشاره قیلیب ایتیشیچه، اسلام امیرلیگی اوز قرارلرینی قیته کوریب چیقمه‌گن تقدیرده، اولکه ده انسانی فاجعه یوز بیریشی ممکن.
اونینگ سلام‌وطندار گه ایتیشیچه: «تأسف بیلن افغانستان خلقی نینگ ۹۷ فایزی قشاق دیر و بو مملکتده انسانی فاجعه‌نی آلدینی آلیش یگانه ییچیم یول، انسان پرورلیک یاردم‌لر دوام ایتیشی دیر، بو یاردم‌لر کمه‌یب یا ده کیسیلگن حالده، انسانی فاجعه یوز بیره‌دی.»
شونینگدیک اقتصادی ایش بیلرمان ظاهر بهزاد نینگ ایتیشیچه، حاضرگی کونده مملکت فقرالریدن بیرقطاری ییگولیک و یاقیلغی ماده ساتیب آلیش گه کوچلری ییتمه‌یدی، افغانستان گه انسان پرورلیک یاردم‌لر کمه‌یب یا ده کیسیلگن تقدیرده، میلیون‌لرچه کیشی انسانی بحران گه دوچ بولیش‌لری ممکن.
بیزلرنینگ توییترده هم تعقیب قیلینگ!
اقتصادی ایش بیلرمان ظاهر بهزاد گه کوره: «افغانستان خلقی نینگ کوپی مستقیم طرزده خلق‌ارا نهادلر نینگ انسان پرورلیک یاردم‌لری گه باغلیق دیر، اوشبو یاردم‌لر کمه‌یب یا ده کیسیلگن حالده، میلیون‌لرچه کیشی نینگ ییگولیک ماده ساتیب آلیش توانی یوق دیر.»
ایتیش کیره‌ک که، اسلام امیرلیگی تامانیدن ایچکی و خارجی مؤسسه‌لرده عیاللر نینگ ایشی توخته‌تیلیشی گه قرشی خلق‌ارا نهادلر، اوز یاردم‌لرینی اوشبو چیکلاولر بیکار قیلینیشی گه باغلیق دیب و مذکور نهادلردن قطاری افغانستانده اوز فعالیت‌لرینی توخته‌تیشگن.
