اۉزبېکستان تامانیدن تیمیر یولی انتقالات تعرفه‌سی کمه‌یشی گه دایر خبرلر ترقه‌لیشیدن سۉنگ، سوداگرلردن بیرقطاری سرپرست حکومت دن باجخانه تعرفه‌لرینی کمه‌یتیریشنی اېسته‌گنلر.
مذکور سوداگرلر تیمیر یولی انتقالات تعرفه‌سی نینگ ۵۰ فایز کمه‌یشی اساسیده اۉزبېکستان مملکتی اقدامی‌دن خورسند‌لیک بیلدیریب ایتیشلریچه، بو ایش ایکی مملکت آره‌سیده سوداگرلیک علاقه‌لر کینگه‌یشی بیلن واردات و صادرات کوپه‌یشی خصوصیده مناسب زمینه یره‌تیلیشی گه سبب بوله‌دیگن بیر آدیم دیر.
بیزلرنینگ «ایکس» ترماغی ده هم تعقیب قیلینگ!
بلخ ده سوداگرلردن بیری مصطفی مهمند، اۉزبېکستان آرقه‌لی تعرفه کمه‌یگنینی افغانستان‌لیک سوداگرلر اوچون بویوک بیر حمایت دیب و اسلام امیرلیگی‌دن صادرات توغریسیده باجخانه تعرفه‌لری کمه‌یشینی اېسته‌گنلر.
مذکور سوداگر سرپرست حکومت تامانیدن کوپراق آسایشته‌لیک یره‌تیلیشی گه تاکید‌لب ایتیشیچه: «سوداگرلر توارلرینی انتقال بیریش اوچون تیمیر یولیگه نیازی بار، چونکه آزراق خره‌جت توشه‌دی اوستیگه. اسلام امیرلیگی‌دن بو سوداگرلر نی کوپراق حمایت و تشویق قیلیشینی ایسته‌یمیز که کوپراق سرمایه یاتقیزسینلر.»
بوندن آلدین اۉزبېکستان نینگ ترمذ شهری تیمیر یولی مسئوللری سلام‌وطندار بیلن اۉتکزگن صحبت‌لریده، اوشبو مملکت نینگ تیمیر یولیدن سوداگرلیک توارلرنی انتقال بیریش خره‌جتی ۵۰ فایز کمه‌یگنیدن خبر بیرگنلر.
اۉزبېکستان مملکتی ترمذ شهری تیمیر یولی مسئولی فرهاد نینگ سلام‌وطندار گه ایتیشیچه: «افغانستان بیلن اۉزبېکستان آره‌سیده‌گی پل دوستی آرقه‌لی کیله‌دیگن یوکلر، ۴۰ تُن وزنی بولگن هر بیر واگن برابریده ۲۰۰ دالر و ۲۰ تُن‌لیک واگن برابریده ۱۰۰ دالر آلینه‌دی؛ بیراق حاضر اېسه بو خره‌جتلر یوق.»
بیزلرنینگ فیسبوک صحیفه‌میزگه باش اورینگ!
عین حالده، بلخ ولایتی تیمیر یولی مسئوللری نینگ ایتیشلریچه، منطقه مملکت‌لری آره‌سیده منتظم طرزده تجاری سودا-ساتیق دوام اېتیشی اوچون، اولر هم افغانستان‌لیک سوداگرلر گه کوپراق آسایشته‌لیک یره‌تیلیشی مقصدیده سعی‌وحرکت قیلماقده‌لر.
اۉزبېکستان آرقه‌لی سوداگرلیک توارلر انتقالاتی بولیمی‌ده تعرفه کمه‌یشی، شونینگدیک افغانستان سرمایه یاتقیزووچیلر و تجارت اتاقی مسئوللری نینگ خورسند‌لیگی گه سبب بولگن.
اوشبو اداره مسئوللری نینگ ایتیشلریچه، بو اقدام افغانستان صادرات و واردات پروسه‌سی یخشی‌لنیشی و سوداگرلیک رواجلنیشی یانیده، افغانستان نینگ منطقه‌ده‌گی بیللی ترانزیت یوللری گه باغلیقلیگی نی هم کمه‌یتیره‌دی.