فاریاب مرکزی میمنه شهریده امیرنظام‌الدین علیشیر نوایی توغیلگن کونی نینگ ۵۸۰- و ظهیرالدین محمد بابر توغیلگن کونی نینگ ۵۳۸- ییل‌لیگیدن نشان‌لنگن.
اوشبو احتفالده بیرقطار تیل بیلیم دانلری، اوقیتووچی‌لر، شاعرلر و محلی حکومت رسمی‌لری اشتراک قیلیب علی شیر نوایی و ظهیرالدین محمد بابر نینگ قیلگن فعالیت‌لری خصوصیده صحبت قیلگنلر.
بوتوغریده یولگه قوییلگن ییغینده اوزبیک تیلی بیلیم‌دانلریدن بیری سیدتاج‌الدین تاشقین بهایی نینگ ایتیشیچه، علمی شخصیت‌لر و تانیقلی شاعرلردن نشانلش، یاش‌لرنی آیدین‌لیک تامان آلیب باریلیشی‌گه سبب بوله‌دی.
جناب بهایی گه کوره، افغانستان حکومتی هم تورک‌لرنینگ اوتگن شخصیت‌لریگه حرمت قیلیش اوچون ایشانچ بیرگن و انه‌شو سبب، اولرنینگ دنیا گه کیلگنی ایامیدن هرات ولایتیده قیزغین شکلده نشانله‌نیشی ممکن.
عین‌حالده، فاریاب یاش‌لریدن بیری سهراب بیک، بونده‌ی برنامه‌لر یولگه قویلیشینی ملت‌لرنینگ تاریخ و مدنیتی‌نی نمایش‌گه قویش اوچون اونملی عنوان قیلگن. اونینگ ایتیشیچه، بونده‌ی ییغین‌لر سبب، یاشلر تاریخی شخصیت‌لرینی الگو قرار بیریب و جماعه‌نی آیدین‌لیک تامان آلیب باریش اوچون سعی و حرکت قیله‌دیلر.
شونینگدیک، مدنی فعاللردن بیری فرخنده بهمنیار نینگ ایتیشیچه، تاریخی شخصیت‌لر یالغیز تورک‌لرگه ایمس، بلکیم افغانستانده کته فخرلر کیلتیرگن و اولرنینگ توغیلگن ایامیدن بوتون ولایت‌لرگه نشانله‌نیشی کیره‌ک.
تانیقلی شاغر و یازووچی امیرانظام‌الدین علیشیر نوایی و ظهیرالدین محمد بابر نینگ توغیلگن کونیدن هر ییل مملکت بیرقطار ولایت‌لری اینقسه شمالی ولایت‌لرده نشانلنه‌دی.