هرات حاکمی عبدالصبور قانع اوتگن “سه‌شنبه” کونی خبری بیر ییغین اوتکزیب سلما توغانی‌گه قرشی امنیتی تهدید بولگنی‌نی رد قیلیب و اوشبو توغان‌ده ییترلیچه حربی موجود بولگنی‌نی ایتیب و نیاز بولگن صورتده، کمکی کوچلر یوباریلیشی‌نی بیلدیرگن ایدی.
بیراق، بوگون “چهارشنبه” سلما توغانی نینگ محافظتی کندک قومندانی الله‌محمد همدرد نینگ هرات حاکمی‌نی یالغان ایتیش‌گه عیب‌لب سلام‌وطندارگه ایتیشیچه، جناب قانع نی اوشبو توغان‌گه قرشی تهدیدلر بولگنی خصوصیده هیچ‌قنده‌ی معلوماتی یوق.
سلما توغانی نینگ محافظتی کندک قومندانی نینگ کوپه‌یتیریشیچه، هرات محلی مسوول‌لریدن کمکی کوچ یوباریش‌لرینی ایسته‌گن، لیکن حاضرگه‌قدر دقت بولمه‌گن.
الله‌محمد همدرد نینگ ایتیشیچه، طالبان گروهی چشت مرکزینی تصرف قیلگنیدن سونگ، امنیتی کوچلر عایله‌لرینی آگاه‌لنتیریب و تسلیم بولمه‌گن صورتده، هلاک ایتیله‌دی دیگنلر. اونینگ ایتیشیچه، حاضرگه‌قدر ملی پولیس و ملی خوفسیزلیک کوچلریدن کمیده ۲۰ ته‌سی طالبان گروهی‌گه تسلیم بولگن.
سلما توغانی نینگ محافظتی کندک قومندانی نینگ ایتیشیچه: « والی صاحب‌نی نیمه دن خبری بار، باله‌لری قییرده؟ عایله‌سی قییرده؟ سلما توغانی‌گه اوغلی بار می؟ بو ییر ده غریب‌لرنینگ فرزندلری بار و چشت دن بیزنی خبری‌میز بار و کوزی‌میز بیلن کورگن‌میز؛ اولر تلفون‌لریگه هم جواب قیترمه‌یدی. اولر اوچون ملی سرمایه‌نی بیر اهمیتی یوق، کولر آستیگه اولتیرگنلر و یالغان ایته‌دیلر.»
عین‌حالده، جناب همدرد، دولت‌نی معامله‌گرلیککه عیب‌لب ایتیشیچه، ایکی آی دن بویان چشت تومنی نینگ ولسوال، پولیس قومندانی و ایشلاوچیلری تعطیل‌گه دیر.
شونینگدیک، هرات ولایتی کینگش اعضالری و یشاوچی‌لرنینگ سلما توغانی‌گه قرشی تهدیدلر کوپه‌یگنیدن خواطر بیلدیریب ایتیش‌لریچه، اوشبو توغان‌گه قرشی هرقنده‌ی تهدید نینگ مسوولی حکومت دیر. اولرنینگ ایتیش‌لریچه، سلما توغانی دن محافظت قیلیش اوچون دولت نینگ جدی شکلده سعی و حرکت قیلیشی کیره‌ک.
