کابل یشاوچیلریدن قطاری ایچکی ایشلر وزیرلیگی‌دن، هییت بیرمی کونلریده خوفسیزلیک تأمین‌لنیشی اوچون کوپراق سعی‌‌وحرکت قیلیشلری نی ایسته‌گنلر.
اولر نینگ ایتیشلریچه، هییت بیرمی کونلریده یشاوچیلر نینگ کوپراق ییغیله‌دیگن مکان‌لرده، کوپراق امنیتی تدبیرلر آلینیشی کیرهک.
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن بیری طوفان نینگ ایتیشیچه: «ایچکی ایشلر وزیرلیگی‌دن، هییت بیرمی کونلریده یشاوچیلر نینگ کوپراق ییغیله‌دیگن مکان‌لرده، کوپراق امنیت آلیشلری نی ایسته‌یمن.»
شونینگدیک کابل یشاوچیلریدن باشقه بیری محمد سلیم نینگ ایتیشیچه: «هییت بیرمی‌ده کوپینچه منطقه‌لر‌ده گوجوم‌لیک کوپه‌یه‌دی و هییت بیرمی‌ده یشاوچیلر دم آلیش مکان‌لر گه کیته‌دیلر و انه شوو سبب، خوفسیزلیک تدبیرلر نینگ کوپه‌یشی کیرهک.»
شونده‌ی بیرحالده، ایچکی ایشلر وزیرلیگی مسئوللری، هییت بیرمی کونلریده مملکت بویلب جدی شکلده خوفسیزلیک تأمین‌لنیشی نی بیان قیلیب ایتیشلریچه، هییت بیرمی کونلریده یشاوچیلر نینگ کوپراق ییغیله‌دیگن مکان‌لرده، امنیت تأمین بولگن.
ایچکی ایشلر وزیرلیگی سوزلاوچیسی اورین‌باسری بسم‌الله حبیب نینگ ایتیشیچه، مملکت‌ده امنیت گه قرشی احتمالی واقعه‌لرنی باشقریش اوچون، تیارگرلیک‌لری بار.
جناب حبیب نینگ کوپه‌یتیریشیچه: «یشاوچیلر گه هییت بیرمی‌ده مسجدلر و یشاوچیلر نینگ ییغیله‌دیگن مکان‌لر امنیتی آلینیشی خصوصیده ایشانچ بیره‌میز. پولیس نینگ خدماتی بولیم‌لریده اوت اوچیرووچی، ساغلیق مرکزلر و ۱۱۹ معلوماتی مرکزلر کبی، مملکت‌ده احتمالی واقعه‌لرنی باشقریش اوچون فعال‌لر.»
بیزلرنینگ فیسبوک صحیفه‌میزگه باش اورینگ!
اوشبو وزیرلیک مسئوللری یشاوچیلردن، شبهه‌لی مورد‌لر بیلن روپه‌ره بولگنلری صورت‌ده، پولیس بیلن همکارلیک قیلیشلری نی ایسته‌گن.
ایتیش کیرهک که، ایچکی ایشلر وزیرلیگی هییت بیرمی کونلریده ترافیکی حادثه‌لر آلدی آلینیشی اوچون، هیداوچیلردن هیداوچیلیک چاغیده ترافیکی قاعده-قانون نینگ نظر گه آلیشلری نی ایسته‌گن.
