سی‌ان‌ان خبری ترماغی نینگ گزارش بیریشیچه، کمیده ۱۴۵۰ باله افغانستان دن آته‌سیز و آنه‌سیز آگست آیی ده افغانستان دن تشقی کوچلر نینگ چیقیش پروسه جریانیده امریکا گه انتقال بیریلگن.
سی‌ان‌ان آمریکا باش پنه ایزلاوچی‌لری دفتری تامانیدن ارایه بولگن رقم اساسیده ایتیلیشیچه، مذکور باله‌لردن قطاری افغانستان دن عایله‌لری بیلن قاچیش اوچون سعی و حرکت قیلگنلر، بیراق هرج‌ومرج جریانیده آته و آنه‌لری دن جدا بولگنلر، و بعضی‌لری ایسه کابل قونلغه‌سیده یوزبیرگن پارتلش‌ده آته و آنه‌لری نینگ یولداشلیگی نی یوقاتگن.
بیزلرنینگ فیسبوک صحیفه‌میزگه باش اورینگ!
آمریکایی رسمی‌لری گه کوره، مذکور باله‌لردن قطاری آمریکا جمهور رئیسی جو بایدن دولتی تامانیدن تیزلشتیریلگن بیر برنامه ده عایله‌لری گه قیته‌ریلگن. لیکن آمریکا باش‌پناه ایزلاوچی‌لری یشش دفتری نینگ آماری اساسیده، اوشبو باله‌لردن کمیده ۲۵۰ ته‌سی حاضرگچه آمریکا دولتی نینگ حفاظتی ده دیر.
باله‌لر حقوقی مدافعه‌چی‌لری نینگ ایتیش‌لریچه، مذکور باله‌لردن قطاری مالی حمایتچی‌لرگه بیریلگن و اولرنینگ کوپینچه‌سی نی هیچ بیری عایله اعضالری یوق. گزارش‌ده کیلیشیچه، باله‌لردن قطاری ده یلغوزلیک و قورقیش تویغولری بار و حاضرگچه بیللی ایمس که اولر قچان و قنده‌ی عایله‌لریگه تاپشیریله‌دی.
شونده‌ی بیرحالده، سابق دولت نینگ سقوط قیلگنی و اسلامی امارت نینگ قدرت گه ایریشگنی بیلن، میلادی جاری ییل نینگ ۱۵ آگست دن حاضرگچه ۱۲۰مینگ‌دن آرتیق آمریکا و متحدلری تامانیدن کابل قونلغه‌سیدن بوشه‌تیلگن.