پایتخت کابل ده ایچکی و خارجی سرمایه یاتقیزووچیلردن قطاری سرپرست حکومت ییریک رسمی‌لری حضوری بیلن، «۲۰۲۳_ییل ده افغانستان نینگ سوداگرلیک و اقتصادی مناسبتی» عنوانیده یولگه قوییلگن ییغیلیش ده اشتراک قیلیب، افغانستان ده سرمایه یاتقیزیش وضعیتینی محاکمه قیلگنلر.
اوتگن ایکی ییل ده افغانستان یشاوچیلری نینگ اقتصادی قیینچیلیگی و انسان پرورلیک یاردم‌لر کمه‌یشی گه دایر گزارش‌لر ترقه‌لیشیدن کیین اوشبو ییغیلیش یولگه قوییلگن.
مذکور ییغیلیش ده اشتراک ایتگنلر، افغانستان نینگ حاضرگی وضعیت دن قوتقریش و اقتصادینی تیکلش اوچون، مملکت ده خصوصی سکتور قوللب_قوتلنیشی و سرمایه یاتقیزیش گه زمینه یره‌تیلیشی اوستیگه تأکید ایتگنلر.
بیزلرنینگ فیسبوک صحیفه‌میزگه باش اورینگ!
اوشبو ییغیلیش ده افغانستان و امریکا سوداگرلیک اتاقی باشلیغی جیفری کریگور نینگ ایتیشیچه: «کیله‌سی ییل ده افغانستان خلقی گه انسان پرورلیک یاردم‌لر کمه‌یشی ممکن، شونی اوچون اقتصادی آست قورمه‌لر قوللب_قوتلنیب و اوزگریش کیلیشی کیره‌ک.»
افغانستان نینگ خلق‌ارا بانک باشلیغی ابراهیم محب گه کوره: «بو کبی ییغیلیش‌لر اوتکزیلیشی مهم دیر، بو ییغیلیش دن مقصد خارجی سرمایه یاتقیزووچیلر اعتبارینی قره‌تیش دیر. خصوصی سکتور یوتوق‌لری بیان قیلینیب و دیالوگ اوچون فضا یره‌تیلیشی لازم.»
مذکور ییغیلیش ده قتنشگن سرمایه یاتقیزووچیلر و سوداگرلر، افغانستان نینگ حاضرگی وضعیتی گه بناً سرمایه یاتقیزیلیشنی قانیقرلی بیلسه‌لرده، بیراق سرمایه یاتقیزووچیلر برابریده بانکی قیینچیلیک‌لر کبی موجود معمالر حل ایتیلیشی اوستیگه تأکید ایتگنلر.
صناعت و کان‌لر اتاقی باشلیغی شیرباز کمین‌زاده گه کوره: «اسلام امیرلیگیگه دایر قیینچیلیک‌لر حل ایتیلیشی گه امید بیلدیره‌میز، اقتصادی قیینچیلیک‌لر حلی اوچون دنیا بیلن مناسبتی‌میز تیزلیک بیلن حل ایتیلیشی گه امیدوارمیز.»
بیزلرنینگ توییترده هم تعقیب قیلینگ!
افغانستان بانکدارلیک اتفاقی نماینده‌سی نجیب‌الله امیری نینگ ایتیشیچه: «اسلام امیرلیگی دن، بانکدارلیک سکتوری اینیقسه آگاهی‌لیک بیریش بولیمیده کوپراق همکارلیک قیلیشنی ایسته‌یمیز.»
عین‌حالده، سرپرست حکومت باش وزیرلیگی نینگ اقتصادی اورین باسری عبدالغنی برادر، اسلام امیرلیگی افغانستان ده ایچکی و خارجی سرمایه یاتقیزووچیلر گه زمینه یره‌تیش اوچون سعی‌وحرکت قیله‌یاتگنیدن ایشانچ بیرگن.
او نینگ کوپه‌یتیریشیچه: «بو مملکت ده ایریم ساحه‌لر ده سرمایه یاتقیزیلیشی کیره‌ک، بیز سرمایه یاتقیزیش اوچون نه فقط افغان سرمایه یاتقیزوچیلری بلکه خارجی سرمایه یاتقیزووچیلر گه زمینه یره‌تگن‌میز.»
ایکی ییل دن بویان اولکه ده یوزلب اقتصادی و ترقیاتی پروژه‌لر خارجی حمایت قیلووچیلر تامانیدن حمایت بولمسلیگی سبب یریم قالگن بیرحالده، اسلام امیرلیگی خارجی سرمایه یاتقیزووچیلرنی افغانستان ده سرمایه یاتقیزیش گه ترغیب قیلماقده دیر.