دنیا اینیقسه آسیا جنوبی‌ده هوا اوزگریشی‌دن کیین، جاری آی جریانیده ایکی مرته دیر که، کابل هواسی چنگ-غبار بولیب افلاسلنه‌دی.
اطراف-محیط نی سقلش ملی اداره مسئوللری، قوروق‌چیلیک، اورمان‌لر کمه‌یشی و هوا نینگ اوزگریشی کابل هواسی نینگ افلاسلیگی کوپه‌یگنی اصلی عامللریدن عنوان قیله‌دیلر. مسئوللر نینگ ایتیشلریچه، هوا افلاسلنیشی نینگ کمه‌یتیریش اوچون، جمهوریت حکومتی نینگ اقلیم اوزگریش برنامه‌سی نی کوریب چیقیش ایسته‌یدیلر.
بیزلرنینگ توییترده هم تعقیب قیلینگ!
اطراف-محیط نی سقلش ملی اداره‌سی نینگ اقلیم اوزگریش ریاست رئیسی روح‌الله امین نینگ ایتیشیچه: «اطراف-محیط نی سقلش اداره‌سی اطراف-محیط افلاسلنیشی نی کمه‌یشتیریش مسئولی صفتیده، باشقه حکومتی اداره‌لر بیلن ایشله‌یدی و اقلیم اوزگریش پلانی نی توزه‌تدیک که، حاضر ایسه کوریلماقده و اداره ایشی بیلی بولیشی ممکن.»
شونده‌ی بیرحالده، اطراف-محیط ایش بیلرمانی عبدالباسط رحمانی، اطراف-محیط نی سقلش ملی اداره‌سی نینگ هوا افلاسلنیشی گه قرشی کوره‌ش خصوصیده هیچ بیر ایش انجام بیره آلمه‌گنی گه اشاره قیلیب ایتیشیچه، اوشبو اداره ساختاری نینگ کوریب چیقیلیشی کیره‌ک.
اونینگ کوپه‌یتیریشیچه: «اطراف-محیط اداره‌سی پالیسی توزه‌تووچی بیر اداره صفتیده دیر و عملیاتی ایش‌لر گه امکانیتی یوق و اونده بحث بولگن توزه‌لیش و قانون موضوعی‌سی نقطه نظری‌دن، بیرینچی‌ده اونینگ خصوصیده ایشلنیشی کیره‌ک.»
شونده‌ی بیرحالده، شفاکارلر نینگ ایتیشلریچه، هوا افلاسلیگی‌دن زیان کوریش نی کمه‌یتیریش اوچون، یشاوچیلر تشقری گه چیقیش جریانیده، ماسک‌دن قوللنیش‌لری کیره‌ک.
بیزلرنینگ فیسبوک صحیفه‌میزگه باش اورینگ!
اندراگاندی کسل‌خانه شفاکاری عارف حسن‌زی نینگ ایتیشیچه، یشاوچیلر امکان قدر چنگ و توپراق‌دن اوزاق بولیش‌لری کیره‌ک.
اونگه کوره: «شهرده حیات کیچیره‌دیگن کیشی‌لر، ماسک‌دن قوللنیش‌لری کیره‌ک و چنگ و توپراق بولگنی ییرلردن اوزاق بولیش‌لری کیره‌ک.»
اطراف-محیط بیلرمان‌لری نینگ آگاه‌لنتیریشلریچه، هوا افلاسلیگی نینگ دوام تاپگنی، هلاکت‌لی عاقبتلر گه سبب بولیشی ممکن.
