افغانستان-پاکستان سوداگرلیک قۉشمه اتاقی پاکستان دولتیدن ایکّی مملکت تجارلری توارلرینی انتقال بیریش گه قولی‌لیک یره‌تیش و خره‌جت‌لری کمه‌یشی اوچون کراچی بندری دن پشاور گچه تیمیر یول قیته آچیلیشنی اېسته‌گن.
اسلام‌آباد ده افغانستان-پاکستان سوداگرلیک قۉشمه اتاق مسئولی ضیاالحق سرحدی نینگ سلام‌وطندار گه ایتیشیچه، کراچی دن پشاور گچه توارلرینی یوک تاشووچی موتر آرقه‌لی انتقال بیریش، تیل قیمت بولیشی باعث قیمت توشیب و ایکّی مملکت سوداگرلری نینگ نقص قیلیشی گه سبب بولگن.
اونینگ کوپه‌یتیریشیچه: «افغانستان و پاکستان نینگ کانتینر گه یوکلنگن توارلری سابق پشاورده بوشه‌تیلیب و یوک تاشووچی موترلر آرقه‌لی تورخم، جلال‌آباد و کابل و چمن یولی آرقه‌لی قندهار گه انتقال بیریلر اېدی؛ تیمیر یول یخشی اېدی ینگی بیتیمدن سۉنگ توارلر یوک تاشووچی موترلر آرقه‌لی انتقال بیریله‌دی کوپ وقت آلیب و خره‌جتی هم کونسه‌یب آشیب و بیر میلیون گه یېتگن.»
بیزلرنینگ فیسبوک صحیفه‌میزگه باش اورینگ!
سرحدی گه کوره، پاکستان کراچی بندری ده‌گی قیینچیلیک باعث افغانستان‌لیک ۹۰ فایز سوداگرلر ایران سوداگرلیک بندرلری آرقه‌لی توارلرینی انتقال بیریش گه یوز کېلتیرگنلر.
باشقه تاماندن افغانستان‌ده پاکستان-افغانستان آره‌سیده سوداگرلیک قۉشمه اتاق مسئوللری نینگ ایتیشلریچه، توارلرینی یوک تاشووچی موترلر آرقه‌لی انتقال بیرگن حالده، موترلر وقتیده یېته آلمه‌ی و خره‌جت‌لری نیچه برابر بوله‌دی.
افغانستان‌ده پاکستان-افغانستان سوداگرلیک قۉشمه اتاق مسئولی نقیب‌الله صافی نینگ سلام‌وطندار گه ایتیشیچه: «سوداگرلیک توارلر سابق کراچی بندری دن افغانستان گه قدر تیمیر یولی آرقه‌لی انتقال بیریلر اېدی، بیراق ۲۰۱۰ ییل‌ده اپتا مدتی اۉزه‌یتیریلیشیدن سۉنگ تیمیر یول اۉرنیده زمینی ترانسپورت آرقه‌لی انتقال بیریلیش گه قرار قیلیندی، ۲۰۲۳-ییل‌ده پاکستان تامانیدن یره‌تیلگن چېکلاو باعث بو مملکت‌ده نفت نرخی قیمت بولدی، یول گوجوم بولگن و سوداگرلر اېریم قیینچیلیک بیلن دوچ بولگن.»
بیزلرنینگ «ایکس» ترماغی ده هم تعقیب قیلینگ!
صافی جنابلری نینگ کوپه‌یتیریشیچه، بوندن آلدین زمینی یول بیلن کراچی بندری دن پشاور گچه بیر کانتینر سوداگرلیک توارلرنی انتقال بیریش ۶۰۰ مینگ کلدار بولر اېدی؛ بیراق حاضر بو رقم بیر میلیون ۳۰۰ کلدار گه یېتیب و کونسه‌ین آشیب بارماقده.
شو بیلن بیرگه حاضر موتر آرقه‌لی سوداگرلیک توارلرینی کراچی بندری‌دن انتقال بیره‌دیگن افغانستان‌لیک سوداگرلردن بیرقطاری، انتقال بیریش و اضافه خره‌جت‌لر یوقاری‌لیگیدن نالیب، کراچی دن پشاورگچه تیمیر یول قیته آچیلیشینی سۉره‌یدیلر.
افغانستان‌لیک سوداگرلردن حجت‌الله گه کوره: «توارنی انتقال بیریش اوچون بیر کانتینر اجاره‌سی ایکّی میلیون بولردی، لېکن حاضر سکیز میلیون گه یېتگن. پاکستان ده تیل قیمت بولگن و پشاور دن افغانستان گچه اجاره ۱۲۰ میلیون تمام بولیشینی اېته‌دیلر، تیمیر یولی قیته آچیلیشینی اېسته‌یمیز.»
شونینگدیک افغانستان‌لیک سوداگرلردن باشقه بیری محمد نینگ سلام‌وطندار گه ایتیشیچه: «آلدین بیر کانتینر کراچی دن جلال‌آباد گچه ۶۵۰ مینگ کلدار یا که ۸۰۰ مینگ کلدار بولردی حاضر بیر میلیون ۳۰۰ مینگ کلدار گه آشگن، کانتینرلر وقتیده یېتیب باره آلمه‌یدی، اضافه خره‌جتی کوپ، پاکستان تامانیدن تیمیر یول قیته آچیلگن حالده ایکّی مملکت سوداگرلری نینگ اونیمی گه دیر.»
برچه‌سی بیلن، اسلام‌آباد ده افغانستان-پاکستان سوداگرلیک قۉشمه اتاق مسئوللری نینگ ایتیشلریچه، اوشبو هفته یک‌شنبه کونی کراچی دن پشاور گچه تیمیر یول قیته آچیلیش مسئله‌سینی پاکستان رسمی‌لری بیلن شریک قیلگن؛ بیراق تیمیر یول قیته آچیلیش اوچون اېستک‌لری حاضرگچه نتیجه بیرگن یوق.