افغانستان نینگ تشقی سیاستی گه دایر بیلیم‌لر اکادمیه‌سی ده یولگه قوییلگن ییغیلیش ده، اسلام امیرلیگی باش وزیری نینگ اداری اورین باسری عبدالسلام حنفی گه کوره، مملکت بویلب دایمی تینچ‌لیک و ثبات برقرار ایتیلیشی و منطقه‌وی توقنشوولر گه توسیق بولیش اوچون افغانستان نینگ طرف‌سیزلیگی مهم دیر. او نینگ ایتیشیچه، اسلام امیرلیگی افغانستان مستقل و طرف‌سیز بولیب و هیچ حربی ائتلاف گه اعضا بولیشنی ایستمه‌یدی.
اسلام امیرلیگی قوشنی اولکه‌لر و دنیا بویوک قدرت‌لری بیلن مثبت تعامل قیلیش گه حرکت قیلماقده دیدی، اسلام امیرلیگی باش وزیری نینگ اداری اورین باسری عبدالسلام حنفی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اسلام امیرلیگی افغانستان مستقل بیر مملکت بولیب و هیچ ائتلاف گه اعضا بولیش طرفداری ایمس، برچه اولکه‌لر بیلن مثبت تعاملی بولیب و باشقه مملکت‌لر دن افغانستان نینگ ایچکی ایشلری گه اره‌لشمسلیگینی ایسته‌یدی.»
عین‌حالده، تشقی ایشلر وزیرلیگی سرپرستی ترقه‌تگن بیانیه‌سیده، تشقی سیاست ده موازنت و طرف‌سیزلیک اوستیگه تاکیدلب ایتیشیچه، افغانستان نینگ تشقی سیاستی کوپراق اقتصاد و ملی منفعت اساسیده دیر.
مملکت تشقی ایشلر وزیرلیگی سرپرستی دفتر باشلیغی محب‌الله وثیق نینگ ایتیشیچه: «افغانستان نینگ تشقی سیاستی ملی منفعت و معنوی ارزش‌لر، طرف‌سیزلیک و اقتصادی موازنت اساسیده دیر، اسلام امیرلیگی افغانستان توپراغی هیچ بیر مملکت اوچون تهدید بولیش گه ایزین بیرمه‌یدی و باشقه اولکه‌لر گه هم، افغانستان خوفسیزلیگی اوچون تهدید بولیش گه رخصت بیرمه‌یدی.»
اوشبو ییغیلیش ده اشتراک ایتگنلردن بیرقطاری، تشقی سیاست قیینچیلیک‌لری حلی اوچون بو کبی ییغیلیش اوتکزیلیشینی مهم دیب، خارجی سیاست ده ایچیم یوللر قیدیریلیشی اوستیگه تاکید ایته‌دیلر.
بیزلرنینگ «ایکس» ترماغی ده هم تعقیب قیلینگ!
یوکسک اوقوو وزیرلیگی نینگ بیلیم معینی لطف‌الله خیرخواه گه کوره: «تشقی سیاست قیینچیلیک‌لری بیللی بولسه، بو قیینچیلیک‌لر حلی اوچون مصلحت بیریلیب و بوتوغریده ترقه له‌دیگن مقاله‌لر کینگ کولمده ترقه‌لیشی کیره‌ک.»
شونینگدیک، کابل تعلیم و تربیه بیلیم یورتی باشلیغی سیدبشیر آغا هاشمی نینگ ایتیشیچه: «افغانستان نینگ تشقی سیاستی حاضر کوپراق نظری دیر، بیلیم یورت اوقیتووچیلری و تدقیقاتچیلر قیینچیلیک‌لرنی تاپیب و ایچیم یول تاپیش‌لری لازم، بو کبی احتفال‌لر کوپراق یولگه قوییلیشی درکار.»
ایتیش کیره‌ک، اسلام امیرلیگی بوندن آلدین سرپرست حکومت نینگ تشقی سیاستی اوستیگه ایشله‌یاتگنلرینی ایتگن ایدی.