جمهوریت تیزیمی قوللشیدن اسلامی امارت حاکمیت گه ایریشی، ۲۰ ییل مابینیده تشکیل ایتیلگن ارتش یوق ایتیلیشیدن افغان‌لر نینگ باشقه اولکه‌لر گه مهاجر بولیشی، افغانستان‌ده اوشبو برچه اوزگریش‌لر ۱۴۰۰-ییل‌ده یوز بیردی که ینگی قرن باشله‌نیشی گه ماس دیر.
یخشی ییل بهاری‌دن بیللی دیب دلیل‌سیز ایتمه‌گنلر. اسلامی امارت ۱۴۰۰-ییل بهاری‌دن باشلب اوز نظارتینی کینگه‌یتیره باشله‌دی. اوروش کوکلم و یاز موسومی‌ده شدتلندی. اسلامی امارت دستلب تومن‌لر و کیین ایسه ولایت‌لر نینگ مرکزلرینی کیتمه-کیت تصرف ایتدیلر حتی اولر نینگ حضوری کابل اطرافی‌ده سیزیلر ایدی اوشبو توقنشوولر و سابق تیزیم قوللـه‌گونچه، اولکه فقرالریدن اکثریتی قربان و یره‌لنیب و بیر قطار باله‌لر ییتیم و باش پناه‌سیز بولدیلر. یک‌شنبه کونی، ۲۴ اسد اسلامی امارت بیر بیانه ترقه‌تیب، اولر حربی یول بیلن کابل شهری گه کیرمسلیکلرینی اعلام قیلدیلر.
بیزلرنینگ فیسبوک صحیفه‌میزگه باش اورینگ!
گزارش‌لر اساسیده، اوشه کون ساعت ۱۲ اطرافی توش‌دن کیین، کابل شهری نینگ برچه حوزه مسئول‌لری، قورقیش باعث وظیفه‌لرینی قویباریب کیتگن‌لری باره‌سیده اسلامی امارت گه ییتکیزیلدی.
اسلامی امارت رهبریت شوراسی، تالان-تاراج و اوغیرلیکلرنی آلدینی آلیش اوچون کابل شهری گه کیرگن‌لرینی ایتگن ایدی.
سابق حکومت نینگ ملی یره‌ش عالی کینگش باشلیغی عبدالله عبدالله فیس‌بوکی پیامیده، جمهوررئیس اشرف غنی قاچگنینی آچیقله‌دی.
بری-بیر ۲۴ اسد گه ماس ۱۵ آگست‌ده، جمهوریت تیزیمی اشرف غنی قاچیشی بیلن ۲۰ ییل‌دن کیین سقوط قیلدی.
سیاسی ایش بیلرمان‌لر، سیاسی اوزگریش‌لر گه دایر سلام‌وطندار گه ایتیشلریچه، ۱۴۰۰-ییل افغانستان‌ده دموکراسی قوللش ییلی دیر.
سیاسی ایش بیلرمان‌لردن باشقه بیری طارق فرهادی گه کوره، ایچکی و تشقی قیینچیلیکلر باعث، اوشبو تیزیم سقوط قیلدی.
باشقه تاماندن، کابل سقوطی‌دن آلدین، افغانستان‌لیکلر آره‌سیده صلح مذاکره‌لری ترکیه، ایران و قطرده یولگه قوییلدی؛ لیکن اوشبو ییغین‌لر ظاهرده افغانستانده‌گی ناتینچلیک و قیینچلیکلر حلی و جمهوریت تیزیمی دوامی اوچون یاردم بیرمه‌دی و بری-بیر جمهوریت قوللـه‌دی.
باشقه تاماندن امنیتی بولیم‌لر، ۱۴۰۰-ییل‌ده ایریم قیینیچلیکلر گه روپه‌رو بولدی. میلیاردلرچه دالر سرمایه یاتقیزیلگن چمه‌سی ۳۰۰ مینگ خوفسیزلیک کوچی، بیر ضرب‌ده یوق قیلیندی.
حربی ایش بیلرمان‌لر نینگ ایتیشلریچه، عسکرلر جان-دل بیلن اوروشدیلر؛ بیراق سابق حکومت لیدرلری جمهوریت تیزیمی قوللشی گه سبب بولدیلر.
محمود حیدری نینگ ایتیشیچه، جمهوریت توزومینی شکللنتیرگن غرب مملکت‌لری ، افغانستان‌ده سابق حکومت سقوطی گه باعث بولدیلر.
باشقه تاماندن آمریکا حربی کوچلری ۲۳ اکتوبرده بوتونلی افغانستان‌نی ترک ایتدیلر، دوشنبه کونی کیچ قورون ۸ سنبله تعینلنگن وقت‌دن آلدین کابل هوا قونالغه‌سینی ترک ایتیب و آمریکا نینگ اینگ اوزاق سورگن اوروشی گه چیک قویدیلر.
برچه‌سی بیلن، مملکت‌ده اسلامی امارت حاکمیت گه ایریشی بیلن مهاجرلر سانی کوتیلمس درجه‌ده کوپه‌یدی.
اهالی چیت ایل گه باریش اوچون حتی جان‌لریدن کیچ‌دیلر. مذکور مهاجرلردن قطارینی غرب اولکه‌لری اوزلری بیلن انتقال بیردیلر و باشقه بیرقطاری قاچاق شکلده ایران و پاکستان گه آواره بولدیلر.
برچه‌سی بیلن، اسلامی امارت سوزلاوچیسی نینگ اورین باسری بلال کریمی گه کوره، اسلامی امارت حاکمیت‌نی قولگه آلیشی بیلن، اولکه بویلب امنیت برقرار ایتیلگن و افغانستان‌نی ترک ایتگن مهاجرلر قیته‌دن اولکه گه کیلیب بیله‌دیلر.
بیزلرنینگ توییترده هم تعقیب قیلینگ!
اونینگ ایتیشیچه، فساد و اوغیرلیکلر آلدی آلینگن. شونینگدیک مملکت بویلب خوفسیزلیک تأمینلنیب، اوغیرلیک و فساد آلدی آلینیب و مرکزی مستحکم بیر حکومت تشکیل ایتیلدی.
ایتیش کیره‌ک که، افغانستان‌ده اسلامی امارت حاکمیتیدن ۷ آی اوتسه‌ده، لیکن هیچ بیر مملکت اسلامی امارت‌نی رسمیت گه تانیمه‌گن، سابق حکومت قوللشیدن کیین اسلامی امارت مناسبت‌لرینی کوچه‌یتیریش اوچون چیت ایل‌ده اوتکزیلگن مهم ییغین‌لرده اشتراک ایتدی. اسلامی امارت نماینده‌لیگیدن امیرخان متقی نینگ بیرینچی سفری ایران گه باشلندی کیین ایسه پاکستان، قطر، ناروی و ترکیه سفر قیلدی.