قماق‌خانه‌لر ایشلرینی باشقریش اداره‌سی مسئوللری نینگ ایتیشلریچه، حاضر ایسه ۴۵۰۰ افغانستان فقراسی تورلی‌خیل جرم‌لر عیبی بیلن ایران قماق‌خانه‌لریده دیر.
اوشبو اداره سوزلاوچیسی محمدنسیم لالهاند نینگ سلام‌وطندار گه ایتیشیچه، اوتگن ایکی ییل جریانیده اسلام امیر‌لیگی رسمی‌لری بیلن ایران رسمی‌لری نینگ اوچره‌شووی نتیجه‌سیده، ایران قماق‌خانه‌لریدن بیر مینگ و ۱۱۸ افغانستان فقراسی، افغانستان گه انتقال تاپگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «حاضر ایسه ایران ده تورت-تورت یریم مینگ کیشی تور‌لی جرم‌لر عیبی بیلن قماقخانه‌لرده دیر و حاضرگچه، ایکی مرحله‌ده بیر مینگ ۱۱۸ ته افغانستان‌لیک فقرا ایران قماق‌خانه‌لریدن افغانستان گه انتقال بیریلگن.»
قماق‌خانه‌لر ایشلرینی باشقریش اداره مسئوللری نینگ کوپه‌یتیریشلریچه، ایران دن مملکت گه افغانستان‌لیک محبوس‌لر نینگ انتقال بیریلیشی‌دن کیین، افغانستان عالی محکمه‌سی اوشبو مملکت قانون‌لری اساسیده، اولر نینگ دوسیه‌لری حقیده قرار آله‌دی.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، ایران تشقی ایشلر وزیرلیگی نینگ قنسولیک عمومی مدیری علی‌رضا محمودی، مذکور میدیالر بیلن اوتکزگنی صحبت‌لرده، ایران ده قریب ۶ مینگ محبوس نینگ بارلیگی‌دن خبر بیرگن.
ایتیش کیره‌ک که، اوتگن نیچه ییل جریانیده ۳ میلیون ۵۰۰ مینگ افغانستان فقراسی ایران ده مهاجر بولیب و کوپینچه پیت، روخی و فیزیکی زوره‌وانلیک بیلن روپه‌ره بولگنلر.
